الماتىدا ەربولات دوسايەۆتىڭ تاپسىرماسى بويىنشا «مەكتەپ اۆتوبۋسى» جوباسى ءساتتى جۇزەگە اسىرىلۋدا
الماتىدا 2023 جىلدان باستاپ وقۋشىلاردى تۇرعىلىقتى جەرىنەن وقۋ ورىندارىنا دەيىن جانە كەرى تەگىن تاسىمالداۋ بويىنشا اۋقىمدى جوبا ىسكە اسىرىلۋدا. باستاما ەربولات دوسايەۆتىڭ تاپسىرماسى بويىنشا ەنگىزىلدى.
جوبا ءبىرىنشى كەزەكتە باستاۋىش سىنىپ وقۋشىلارىنا، سونداي-اق قالانىڭ شالعاي جانە جەتۋ قيىن اۋداندارىندا تۇراتىن وقۋشىلارعا باعىتتالعان. «الماتى مەكتەپتەرى» جاڭا ءبىلىم بەرۋ ستاندارتىن ەنگىزۋ اياسىندا 2024 جىلى مەكتەپ اۆتوبۋستارىنىڭ پاركى 200 بىرلىككە دەيىن ۇلعايتىلدى. بۇل 16 مىڭنان استام وقۋشىنى تاسىمالداۋمەن قامتاماسىز ەتۋگە مۇمكىندىك بەردى.
اعىمداعى جىلى جوبانى ىسكە اسىرۋ قالا اكىمدىگىنىڭ جوبالىق كەڭسەسىنىڭ قولداۋىمەن جالعاسۋدا - اۆتوبۋستاردىڭ سانىن تاعى 100 بىرلىككە ۇلعايتۋ جوسپارلانۋدا. بۇل ودان دا كوپ وقۋشىلاردى قامتۋعا جانە ولاردىڭ وقۋ ورنىنا قاراي جىلجۋى ءۇشىن قولايلى جاعداي جاساۋعا مۇمكىندىك بەرەدى.
كولىككە قول جەتىمدىلىگى تومەن اۋدانداردا ورنالاسقان مەكتەپتەرگە ەرەكشە نازار اۋدارىلادى. اۆتوبۋستاردىڭ مارشرۋتتارعا شىعۋى وقۋ ورىندارىنان وتىنىمدەردىڭ تۇسۋىنە قاراي جۇزەگە اسىرىلادى. ءاربىر مەكتەپ ءۇشىن بالالاردىڭ تۇراتىن جەرلەرى مەن قاۋىپسىزدىك تالاپتارىن ەسكەرە وتىرىپ، ەگجەي-تەگجەيلى مارشرۋتتىق پاراقتار ازىرلەنەدى.