1 ملن اعاش وتىرعىزۋ بويىنشا «جاسىل الماتى» باعدارلاماسى جالعاساتىن بولادى.
مەملەكەت باسشىسىنىڭ قاتىسۋمەن وتكەن ۇكىمەتتىڭ كەڭەيتىلگەن وتىرىسىندا الماتى اكىمى ەربولات دوسايەۆ قالا حالقىنىڭ ءومىر ساپاسىن ارتتىرۋ مەن الەۋمەتتىك ينفراقۇرىلىمدى دامىتۋ جۇمىستىڭ باسىمدىق بەرىلگەن باعىتى ەكەنىن اتاپ ءوتتى، دەپ حابارلايدى Almaty-akshamy.kz
قالانىڭ ەكولوگيالىق جاعدايىن جاقسارتۋ الماتىلىقتاردىڭ ءومىر ساپاسىن قامتاماسىز ەتۋدىڭ ماڭىزدى ماقساتتارىنىڭ ءبىرى جانە ولاردىڭ كوڭىل-كۇيىنە اسەر ەتەدى. مەملەكەت باسشىسىنىڭ قاتىسۋىمەن وتكەن ۇكىمەتتىڭ كەڭەيتىلگەن وتىرىسىندا الماتى اكىمى ەربولات دوسايەۆ قالا تۇرعىندارىنىڭ ءومىر ءسۇرۋ ساپاسىن ارتتىرۋعا باعىتتالعان مىندەتتەردى جۇزەگە اسىرۋ بويىنشا جوسپارلانعان شارالار تۋرالى ايتتى.
مامانداردىڭ بەرگەن باعاسى بويىنشا، 2021 جىلى لاستانۋدىڭ نەگىزگى كوزى كولىكتەر - 56%، جەو جانە وندىرىستىك كاسىپورىندار - 39%، جەكە تۇرعىن ءۇي سەكتورى - 5%.
«بۇگىندە قالادا 2441 بىرلىك قوعامدىق كولىك پاركى بار، تەك 15 ەلەكترلى اۆتوبۋس بار. قوعامدىق كولىكتى ودان ءارى دامىتۋ جىلجىمالى قۇرامنىڭ ەكولوگيالىق تۇرلەرىن ساتىپ الۋعا عانا باعىتتالاتىن بولادى. ءبىرىنشى توقساندا گازبەن جۇرەتىن قوعامدىق كولىكتىڭ 300 بىرلىگىن ساتىپ الۋ جوسپارلانۋدا، بۇل ەكولوگيالىق تازا كولىكتىڭ ۇلەسىن 30% - دان 37،4% - عا دەيىن ارتتىرادى»، - دەدى مەگاپوليس اكىمى.
ەربولات دوسايەۆ سونداي-اق 1 ملن.اعاش وتىرعىزۋ بويىنشا «جاسىل الماتى» باعدارلاماسىن ىسكە اسىرۋ ءوز جالعاسىن تاباتىنىن اتاپ ءوتتى. بيىل 300 مىڭنان استام كوشەت وتىرعىزۋ جوسپارلانعان. سونداي-اق، اعىمداعى جىلى گرانتتار ەسەبىنەن اۋانىڭ ساپالىق قۇرامىن وزگەرتۋ بويىنشا 60 اسپاپ ورناتىلادى. ولشەۋلەر مەن ولارعا تالداۋ جۇرگىزىلگەننەن كەيىن ابر مەن AirVision قق تارتا وتىرىپ، اۋا ساپاسىن جاقسارتۋ بويىنشا جوسپار ازىرلەنەتىن بولادى.