الماتى قالاسىنىڭ اكىمى ەربولات دوسايەۆ ەكى جاڭا مەتروبەكەتتىڭ قاشان ىسكە قوسىلاتىنىن ايتتى.
بۇل تۋرالى مەملەكەت باسشىسى قاسىم-جومارت توقايەۆتىڭ توراعالىعىمەن وتكەن ۇكىمەتتىڭ كەڭەيتىلگەن وتىرىسىندا مەگاپوليس باسشىسى مالىمدەدى، دەپ حابارلايدى Almaty-akshamy.kz الماتى ارناسىنا سىلتەمە جاساپ.
«2022 جىلدىڭ مامىر ايىندا جوسپارلانعان ەكى مەتروستانسياسىن پايدالانۋعا بەرۋ كۇندەلىكتى جولاۋشى اعىنىن 30 مىڭنان 86 مىڭعا دەيىن ارتتىرادى»، - دەدى قالا اكىمى.
ەسكە سالايىق، 2021 جىلدىڭ 30 جەلتوقسانىندا «سارىارقا» جانە «باۋىرجان مومىش ۇلى» ستانسيالارى تەحنيكالىق تۇردە ىسكە قوسىلعان بولاتىن.
«سارىارقا» ستانسياسى – سانى جاعىنان ونىنشى بەكەت. ول Family Park ايماعىندا ورنالاسقان. ارلەۋ جۇمىستارى اياقتالۋعا جاقىن. بۇل مەتروستانسيا باسقالارىنان ۇلتتىق بوياۋىمەن، ەرەكشە ساۋلەتىمەن ەرەكشەلەنەدى. «باۋىرجانا مومىش ۇلى» ۆوكزالى وسى اتتاس كوشە مەن اباي داڭعىلىنىڭ قيىلىسىندا ورنالاسقان. پلاتفورمانىڭ ارحيتەكتۋراسى مەن ديزاينى قازىرگى زامانعى مينيماليستىك ستيلدە جاسالعان.