دامۋ باعدارلاماسىمەن الماتى اكىمدىگىنىڭ قىزمەتكەرلەرى جانە ءتۇرلى قىزمەت سالالارىنىڭ 130-دان استام ساراپشىسى 5 اي بويى جۇمىس ىستەدى.
بۇگىن مەن جانە مەنىڭ ارىپتەستەرىم سىزدەرگە بىرلەسكەن، تىنىمسىز ەڭبەگىمىزدىڭ ناتيجەسىن – «الماتى قالاسىن دامىتۋدىڭ 2025 جىلعا دەيىنگى باعدارلاماسىن جانە 2030 جىلعا دەيىنگى ورتا مەرزىمدى پەرسپەكتيۆالارىن» ۇسىندى، دەپ حابارلايدى Almaty-akshamy.kz .
باعدارلامادا - قازىرگى ستراتەگيالىق جوسپارلار مەن حالىقارالىق تاجىريبە، ونىڭ ىشىندە الەمدىك مەگاپوليستەردى دامىتۋدىڭ باستى ترەندتەرى مەن پرينسيپتەرى زەردەلەندى، سىن-قاتەرلەر ەسكەرىلگەن، قالا تىرشىلىگىنىڭ بارلىق سالالارىنداعى جاعدايعا تالداۋ جاسالىپ، تۇرعىنداردىڭ مىڭداعان وتىنىشتەرى قارالدى. ناتيجەسىندە الماتى قالاسىنىڭ اكىمدىگى مەن ساراپشىلار دامۋ باعدارلاماسىنىڭ نەگىزگى ماقساتتارىن ايقىندادى، بۇل – جايلى قالالىق ورتا قۇرۋ جانە الماتىنىڭ بارلىق اۋداندارىندا ءومىر ءسۇرۋ ساپاسىن جاقسارتۋ.
قۇجاتتا ساراپشىلاردىڭ كاسىبي پىكىرلەرى، قالا تۇرعىندارىنىڭ ۇسىنىستارى مەن وتىنىشتەرى ەسكەرىلگەن قالانىڭ قىسقا جانە ورتا مەرزىمدى پەرسپەكتيۆاعا ارنالعان دامۋ پايىمىن قامتىلعان. الماتى تۇرعىندارىنىڭ اراسىندا دامۋ باعدارلاماسىنىڭ نەگىزگى باسىمدىقتارىن قوعامدىق تالقىلاۋ بيىل شىلدە ايىندا ءوتتى، وندا تۇرعىندار 1280 پىكىر جىبەرىپ، ءوز كەلىسىمدەرىن بەردى. ءماسليحات دەپۋتاتتارىنىڭ، قوعامدىق كەڭەس مۇشەلەرىنىڭ ۇسىنىستارى ەسكەرىلدى. ناتيجەسىندە الماتىنىڭ جۇزدەگەن جاناشىر تۇرعىندارى دامۋ باعدارلاماسىنىڭ اۆتورلارىنا اينالىپ، قالامىزدىڭ بارىنشا جايلى، ءقاۋىپسىز، تەحنولوگيالىق تۇرعىدان دامىعان جانە جاسىل قالاعا اينالۋى ءۇشىن ناقتى ءىس-قيمىل جوسپارىن ۇسىندى.
الدىن الا باعالاۋ بويىنشا، باعدارلامانى ىسكە اسىرۋدىڭ جالپى سوماسى 6،1 ترلن تەڭگەنى قۇرايدى. بۇل رەتتە تارتىلعان جەكە ينۆەستيسيالاردىڭ باسىم بولىگىن نەمەسە 55%-دان استامىن قۇرايدى - ولاردىڭ ىشىندە تاياۋداعى ءۇش جىلدا 1،3 ترلن تەڭگە تارتۋ جوسپارلانىپ وتىر، ال قالعان 2 ترلن تەڭگەدەن استامى – ورتا مەرزىمدى پەرسپەكتيۆادا 2030 جىلعا دەيىن.
2021-2025 جىلدارعا ارنالعان دامۋدىڭ جاڭا باعدارلاماسى – بۇل قالا تۇرعىندارى ءۇشىن تۇسىنىكتى، زاماناۋي تالاپتار مەن مىندەتتەرگە جاۋاپ بەرەتىن قۇجات. بۇل رەتتە، قولدانىستاعى دامۋ جوسپارى ورتالىق مەملەكەتتىك ورگاندارمەن كەلىسىم بويىنشا جاڭا دامۋ باعدارلاماسىنا تۇزەتىلەتىن بولادى جانە ناتيجەسىندە جاڭا ساپالى جانە وزەكتەندىرىلگەن مازمۇنعا يە بولادى.
دامۋ باعدارلاماسى 7 نەگىزگى ماقساتقا نەگىزدەلگەن. ولار: «جايلى قالالىق ورتا»، «ورنىقتى ەكونوميكالىق ءوسىم»، «باسقارىلاتىن ۋرباندالۋ»، «الەۋمەتتىك ورنىقتىلىق جانە تۇراقتىلىق»، «جاسىل الماتى»، «اقىلدى قالا جانە ءقاۋىپسىز قالا. قالانىڭ بارلىق اۋداندارىنداعى تۇرعىنداردىڭ ءومىر ءسۇرۋ ساپاسىن جاقسارتۋ دامۋ باعدارلاماسىنىڭ ناتيجەسى مەن تيىمدىلىگىنىڭ باستى كريتەرييى بولماق.
الماتى 2030 جىلعا دەيىن the Global Livەability Index TOP-70 يندەكسىنە كىرۋگە تالپىنادى. بۇل قالالاردىڭ جايلىلىق دەڭگەيىنىڭ ينتەگرالدى يندەكسى، مۇندا تۇرعىنداردىڭ وزدەرى قالاداعى ءومىر ءسۇرۋ جايلىلىعىن 30-دان استام كورسەتكىش بويىنشا باعالايدى.
قويىلعان مىندەتتەردى جوسپارلى جانە كەشەندى ىسكە اسىرۋ ءۇشىن جەكەلەگەن ءىس-قيمىل جوسپارلارى قابىلدانادى، جول كارتالارى ازىرلەنەدى جانە جوبالىق وفيستەر قۇرىلادى.