شىعىس قازاقستان وبلىسىندا دالا ورتتەرىنىڭ باسىم بولىگى وقشاۋلاندىرىلدى، دەپ حابارلايدى ا lmaty-akshamy.kz.
شقو توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، كاتونقاراعاي اۋدانى التىنبەل اۋىلىنان 12 شاقىرىم جەردە شىققان ءورتتىڭ تارالۋى 10 قىركۇيەك كۇنى ساعات 09.00-دە توقتاتىلدى. قىزىل جالىن شارپىعان اۋماق 1900 گەكتاردى قۇرادى.
«كۇرشىم اۋدانىندا «مارقاكول» ورمان شارۋاشىلىعى، «بوبروۆكا» ورمانشىلىعى جانە ءتوسقايىڭ اۋىلدىق وكرۋگىنىڭ اۋماعىنا جايىلعان ءورت 11 قىركۇيەكتە ساعات 17.00-دە وقشاۋلاندىرىلدى. وتپەن كۇرەسكە قۇتقارۋشىلار، ورمانشىلار، جەرگىلىكتى اتقارۋشى ورگان وكىلدەرى مەن پوليسيا قىزمەتكەرلەرىنىڭ قاتارىنان 255 ادام مەن 29 تەحنيكا جۇمىلدىرىلدى. ءورت اۋدانى – 1800 گەكتار»، - دەلىنگەن اقپاراتتا.
بۇدان بولەك، قۇيعان اۋىلدىق وكرۋگىنىڭ اۋماعىنداعى جالىن 12 قىركۇيەكتە ساعات 06.40-تا وقشاۋلاندىرىلدى. الدىن الا دەرەك بويىنشا، وت 2000 گەكتار اۋماققا جايىلدى.
«ال التاي اۋدانىنداعى بۇتا مەن ءشوپتى شارپىعان ءورتتىڭ بەتى ءالى قايتپادى. ءتىلسىز جاۋ 2400 گەكتارعا تارادى. ەلدى مەكەندەرگە ءتونىپ تۇرعان ءقاۋىپ جوق. سول جەردە 207 ادام مەن 29 تەحنيكا جۇمىس ىستەپ جاتىر. اۋەدەن 145 رەت سۋ توگىلدى»، - دەلىنگەن حابارلامادا.