الەمدىك ۇستەل تەننيسىنىڭ شەبەرلەرى الماتىدا باس قوستى

الداعى كۇندەرى حالىقارالىق تۋرنير وتەدى.

قىكۇيەك ايىنىڭ 13ء-ى مەن 18ء-ى ارالىعىندا الماتىداعى ۇستەل تەننيس ورتالىعىندا الەمدىك دەڭگەيدەگى حالىقارالىق تۋرنير وتەدى. ءدۇبىرلى دوداعا تورتكۇل دۇنيەنىڭ مىقتىلارى قاتىسىپ، جۇلدەلەر جيىنتىعىن ساراپقا سالادى، دەپ حابارادى Almaty-akshamy.kz Inbusiness.kz  سىلتەمە جاساپ. 

28 مەملەكەتتەن ات تەرلەتىپ كەلگەن سپورتشىلار اراسىندا وليمپيادا ويىندارىنىڭ بىرنەشە دۇركىن جۇلدەگەرى گەرمانيا سپورتشىسى دميتريي وۆچاروۆ، قىتايدىڭ تايبەي ەلىنەن وليمپيادا ويىندارىنىڭ قولا جۇلدەگەرى لين يۋن جۋ، الەم چەمپيوناتىنىڭ جۇلدەگەرلەرى شۆەسيالىق ماتتياس فالك جانە كورەيا ەلىنىڭ وكىلى ان دجە حەن سىندى اتلەتتەر بار، دەپ حابارلايدى Atameken Business.

قازاقستاننىڭ اتىنان الامانعا 22 سپورشى قاتىسادى. ەرلەر اراسىنان وليمپيادا ويىندارىنا قاتىسۋشى كيريلل گەراسيمەنكو مەن كوپتەگەن حالىقارالىق جارىستاردىڭ جەڭىمپازى الان قۇرمانعالييەۆ سىندى سپورتشىلارىمىز باعىن سىناپ كورەدى.

بۇرىمدى سپورتشىلارىمىز دا بايراقتى باسەكەگە ساقاداي-ساي دايىن. بۇعان دەيىنگى جارىستاردا تالاي مىقتىنىڭ ساعىن سىندىرعان سارۆينوز ميركاديروۆا، زاۋرەش اقاشيەۆا جانە انەل باقىت سىندى شەبەرلەرىمىز لايىقتى ونەر كورسەتەدى دەيدى ماماندار.

ءبىر اپتاعا سوزىلاتىن بەدەلدى جارىستىڭ جۇلدە قورى 75 مىڭ دوللاردى قۇرايدى.