مەملەكەت باسشىسىنىڭ تاپسىرماسى اياسىندا ازىرلەنگەن الماتى اگلومەراسياسىن دامىتۋدىڭ 2029 جىلعا دەيىنگى كەشەندى جوسپارى ۇكىمەتتە 2023 جىلدىڭ سوڭىنا دەيىن قابىلدانۋى ءتيىس. بۇل تۋرالى الماتى اكىمى ەربولات دوسايەۆ «قازاقستان-2023» بىرلەسكەن ساۋلەت - قالا قۇرىلىسى فورۋمى بارىسىندا حابارلادى.
«اگلومەراسياداعى حالىق سانى بۇگىندە 3،5 ميلليوننان اسادى، بولجام بويىنشا 2030 جىلعا قاراي 4،5 ملن ادامدى قۇرايتىن بولادى. «اگلومەراسيالاردى دامىتۋ تۋرالى» جاڭا زاڭدى ەسكەرە وتىرىپ، وسى جىلدىڭ باسىنان الماتى اگلومەراسياسىنىڭ مارتەبەسى زاڭ جۇزىندە بەكىتىلدى، ونىڭ ورتالىعى – الماتى قالاسى. الماتى اگلومەراسياسىن دامىتۋدىڭ 2029 جىلعا دەيىنگى كەشەندى جوسپارىن الماتى قالاسىنىڭ دا، الماتى وبلىسىنىڭ دا ءماسليحاتتارى ماقۇلدادى جانە وسى جىلدىڭ سوڭىنا دەيىن ۇكىمەتتە قابىلدانۋى ءتيىس»، - دەدى مەگاپوليس باسشىسى.
ونىڭ ايتۋىنشا، بۇل قۇجات الماتىدا جانە الماتى وبلىسىندا تۇرعىن ءۇي، الەۋمەتتىك، ينجەنەرلىك جانە كولىك ينفراقۇرىلىمىنىڭ وزىق دامۋىن ۇيلەستىرۋگە جانە تەڭەستىرۋگە مۇمكىندىك بەرەدى.
ەربولات دوسايەۆ مەملەكەت باسشىسىنىڭ تاپسىرمالارىن ىسكە اسىرۋ اياسىندا 2022 جىلدىڭ سوڭىندا «الماتى قالاسىن دامىتۋدىڭ 2025 جىلعا دەيىنگى باعدارلاماسى جانە 2030 جىلعا دەيىنگى ورتا مەرزىمدى پەرسپەكتيۆالارىنىڭ» بەكىتىلگەنىن اتاپ ءوتتى. بۇل باعدارلاما جايلى قالالىق ورتا، ورنىقتى ەكونوميكالىق ءوسۋ، باسقارىلاتىن ۋرباندالۋ، الەۋمەتتىك ورنىقتىلىق پەن تۇراقتىلىق، جاسىل الماتى، سمارت سيتي، ءقاۋىپسىز قالا سىندى جەتى نەگىزگى قاعيداتقا نەگىزدەلگەن. وسىنىڭ نەگىزىندە الماتى قالاسىنىڭ 2040 جىلعا دەيىنگى جاڭا باس جوسپارى ازىرلەنىپ، قالالىق تۇرعىندارىمەن كەڭىنەن تالقىلاندى، ونى اعىمداعى جىلدىڭ مامىر ايىندا ق ر ۇكىمەتى بەكىتتى.
«جاڭا باس جوسپاردا ءبىزدىڭ مەگاپوليستىڭ دامۋىنىڭ مونوورتالىق مودەلدەن پوليورتالىق مودەلگە كوشۋ قاعيداتى قالىپتاستى. بەس جاڭا پوليورتالىق الماتىنىڭ بىركەلكى جانە تەڭگەرىمدى دامۋىنا جاڭا سەرپىن بەرەدى جانە قالا تۇرعىندارىنىڭ ءومىر ءسۇرۋ ساپاسىنىڭ تۇراقتى ءوسۋىن قامتاماسىز ەتەدى»، - دەدى الماتى اكىمى.