سوت شەشىمى بويىنشا تۇرۋعا جاتپايتىن ءىرى نىسان بۇزىلدى، دەپ حابارلايدى الماتىنىڭ قالا قۇرىلىسىن باقىلاۋ باسقارماسى.
مەنشىك يەسى «وندىرىستىك ورىن» ماقساتى بار جەر ۋچاسكەسىنە الاڭى 470 مەترگە جۋىق نىسان سالعان ءارى مۇندا مەملەكەتتىك قوردىڭ جەرى دە ءىشىنارا پايدالانىلعان. ول بريۋسوۆ كوشەسى، 4، سكريابين كوشەسى، 35 قيىلىسىندا ورنالاسقان.
ايتا كەتەرلىگى، قالا قۇرىلىسىن باقىلاۋ باسقارماسى 2021 جىلى مەنشىك يەسىنە تالاپ ارىز بەرۋگە باستاماشى بولدى، سودان كەيىن سوت پروسەستەرى باستالدى.
الماتى قالالىق سوتىنىڭ 2022 جىلعى 27 ساۋىردەگى قاۋلىسىمەن ءبىرىنشى ساتىداعى سوتتىڭ وبەكتىنى ءىشىنارا بۇزۋ تۋرالى 2021 جىلعى 2 قاراشاداعى شەشىمى وزگەرىسسىز قالدى.
2022 جىلعى 27 مامىردا سوت ورىنداۋشىسى اتقارۋشىلىق ءىس قوزعادى جانە مەنشىك يەسىنىڭ اتىنا 2022 جىلعى 13 ماۋسىمعا دەيىن سوت شەشىمىن ەرىكتى تۇردە ورىنداۋ تۋرالى حات جولدادى، ونى مەنشىك يەسى ورىندامادى.
بۇگىن نىسان سوت ورىنداۋشىلارىنىڭ قاتىسۋىمەن سۇرىلۋدە.