2021 جىلعى 1 قازانداعى جاعداي بويىنشا، 189،1 مىڭ وتباسىنداعى 903،9 مىڭ ادامعا اتاۋلى الەۋمەتتىك كومەك تاعايىندالدى. اعىمداعى جىلى وسى ماقساتتارعا بيۋدجەتتەن 83 ملرد تەڭگە ءبولىندى، دەپ حابارلايدى almaty-akshamy.kz.
ااك وتباسىنىڭ ءاربىر مۇشەسىنە جان باسىنا شاققانداعى ورتاشا تابىسى وڭىرلىك ەڭ تومەنگى كۇنكورىس دەڭگەيىنىڭ 70%-ىنان تومەن ازاماتتارعا تاعايىندالادى.
بۇدان باسقا، ااك كورسەتۋدىڭ جاڭا تەتىگىن ىسكە اسىرۋ شەڭبەرىندە ەلىمىزدىڭ بارلىق وڭىرىندە تابىسى از وتباسىلاردىڭ مەكتەپ جاسىنا دەيىنگى بالالارىن كەپىلدىك بەرىلگەن الەۋمەتتىك توپتامامەن (بۇدان ءارى – الەۋمەتتىك توپتاما) قامتاماسىز ەتۋ بويىنشا جۇمىس جۇرگىزىلۋدە.
2021 جىلعى 1 قازاندا ااك الۋشىلار قاتارىنداعى 1 جاستان 6 جاسقا دەيىنگى 230،5 مىڭ بالا ازىق-تۇلىك جانە تۇرمىستىق حيميا جيىنتىعى تۇرىندە الەۋمەتتىك توپتاما تاعايىندالدى.
ەستەرىڭىزگە سالا كەتەيىك، ااك الۋشىلارعا تج رەجيمى مەن كارانتيندىك شەكتەۋ شارالارىنىڭ قولدانىلۋىنا بايلانىستى 2020 جىلعى II، III جانە IV توقسانداردا، سونداي-اق 2021 جىلعى I، II توقسانداردا كومەك تاعايىنداۋ ۇزارتىلدى.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا جۇمىسپەن قامتۋ ورتالىعىندا، سونداي-اق egov.kz ەلەكتروندىق ۇكىمەت پورتالى ارقىلى بەرە الادى.