رەسەي استاناسىندا 28 قازاننان باستاپ لوكداۋن جاريالاندى، ماسكەۋدىڭ توڭىرەگىندە ايماقتار 23 قازاننان بەرى كارانتينگە جابىلعان بولاتىن.
ماسكەۋ تۇرعىندارى دەمالىس كۇندەرى مەيرامحانالارعا بارۋ ءۇشىن قوناقۇيلەرگە ورنالاسا باستاعان، دەپ حابارلايدى Almaty-akshamy.kz Lenta.ru سايتىنا سىلتەمە جاساپ.
«ۆەدوموستي» باسىلىمىنىڭ جازۋىنشا، ماسكەۋ تۇرعىندارى جۇمىس ەمەس كۇندەرى مەيرامحانالاردىڭ قىزمەتتەرىن پايدالانۋ ءۇشىن قوعامدىق تاماقتانۋ ورىندارىنىڭ جۇمىسىنا قاتاڭ شەكتەۋلەر قويىلماعان قوناقۇيلەرگە بەلسەندى تۇردە ورنالاسا باستاعان.
Assor قوناق ۇيلەر جەلىسىنىڭ باسپا ءسوز قىزمەتى بەس جۇلدىزدى Movenpick Moscow Taganskaya ءقوناقۇيى قوناقتارىنىڭ ۇشتەن بىرىنە جۋىعى استانالىق تۇرعىندارى ەكەنىن ايتتى. قوناق ۇيدە تۇرۋ كەزىندە ولار Shagal مەيرامحاناسىنىڭ قىزمەتتەرىن پايدالانا الادى، سونداي-اق تاڭعى استى ءوز بولمەسىنە الدىرتۋىنا بولادى. قوناقتاردان QR كودتارى نەمەسە پتر سىناعى تالاپ ەتىلمەيدى ەكەن. اسسوردىڭ وكىلى قوناق ۇيگە ماسكەۋلىكتەردىڭ ورنالاسۋىن كارانتيندىك شەكتەۋلەر ەنگىزىلۋمەن بايلانىستى دەپ ءتۇسىندىردى: ويتكەنى بۇرىن ءقوناقۇيدىڭ نەگىزگى اۋديتورياسى كاسىپكەرلەر مەن باسقا وڭىرلەردەن كەلگەن قوناقتار بولعان.
سونىمەن قاتار ماسكەۋ تۇرعىندارى جۇمىس ىستەمەيتىن كۇندەرى مانيكيۋر شەبەرلەرىن دە كوپ ىزدەيتىن بولىپتى.