جاعداي جاقسارعانعا دەيىن جانارماي قۇيۋدى توقتاتىن بولدى.
الماتى حالىقارالىق اۋەجايى اۆياسيالىق جانار-جاعارماي تاپشىلىعىنا بايلانىستى مالىمدەمە جاسادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«جەرگىلىكتى جانە يمپورتتىق جانار-جاعارماي تاپشىلىعىنا، سونداي-اق ۋاقىتىندا جەتكىزۋ ماسەلەسىنە بايلانىستى جولاۋشىلار مەن كوممەرسيالىق جۇكتەردىڭ تۇراقتى رەيستەرىن توقتاتپاۋ ءۇشىن الماتى حالىقارالىق اۋەجايى جاعداي جاقسارعانعا دەيىن تەحنيكالىق قونىپ قالاتىن رەيستەرگە جانارماي قۇيۋدى توقتاتتى»، - دەپ حابارلادى الماتى حالىقارالىق اۋەجايىنىڭ باسپا ءسوز قىزمەتى.
ايتا كەتەيىك، الماتى حالىقارالىق اۋەجايى بىلتىر دا ۇزدىكسىز جۇمىستى قامتاماسىز ەتۋ ماقساتىندا تۇراقتى جولاۋشىلار رەيسىنە جانارماي قۇيۋ كولەمىن شەكتەۋ جانە ءبىر رەتتىك چارتەرلىك رەيستەرگە جانارماي قۇيۋدى توقتاتۋ جونىندە شەشىم قابىلداعان ەدى.