كينو جانە تۆ جوبالار ءوندىرىسى ۇلعايدى
2021 جىلدىڭ قىركۇيەك ايىندا رەسپۋبليكا بويىنشا كينو بيلەتتەرى ورتاشا ەسەپپەن وتكەن جىلعى قىركۇيەكتكەن 13% قىمباتتاپ 1،6 مىڭ تەڭگە بولدى، دەپ حابارلايدى Almaty-akshamy.kz
وڭىرلەر بويىنشا ەڭ قىمبات قالالار شىمكەنت (2586 تەڭگە)، اتىراۋ (2468 تەڭگە) قالالارى بولسا، ەڭ ارزان سەمەي (1129 تەڭگە)، كوكشەتاۋ مەن ورال (1200 تەڭگە) جانە تاراز (1216 تەڭگە). بىلتىرعى وسى ۋاقىتپەن سالىستىرعاندا ەڭ كوپ قىمباتتاعان وڭىرلەر اقتوبە (30،6%)، كىزىلوردا (28،2%) جانە اتىراۋ (20،4%) وبلىستارى. ال اقمولا، الماتى، ماڭعىستاۋ مەن تۇركىستان وبلىستارىندا باعالار بىلتىرعىدان وزگەرگەن جوق.
2021 جىلدىڭ ءبىرىنشى جارتىجىلدىعىندا كينو، بەينەفيلمدەر مەن تەلەباعدارلامالار ءوندىرىسى بىلتىرعى ءبىرىنشى جارتىجىلدىقپەن سالىستىرعاندا 19،6% ءوسىپ 21،2 ملرد تەڭگەنى قۇرادى.
سونىڭ ىشىندە ۇشتەن ەكىسى الماتى قالاسىنا تيەسىلى. وڭتۇستىك استاناداعى ءوندىرىس بىلتىرعىدان 17،6% كوبەيىپ 14،5 ملرد تەڭگەگە جەتتى. ودان كەيىن نۇر-سۇلتان (4،8 ملرد تەڭگە) مەن شىمكەنت (635،9 ملن تەڭگە) قالالارى.