20 قاڭتاردا شىمكەنتتە جول اپاتى بولىپ، سوڭى جاپپاي توبەلەسكە ۇلاستى. سالدارىنان 40 جاستاعى ەر ادام قازا تاپتى. پوليسيا كۇدىكتىلەردى ىزدەستىرىپ جاتىر، - دەپ حابارلايدى aqshamnews.kz ءتىلشىسى.
وقيعا ەرىمبەتوۆ پەن رىسقۇلوۆ كوشەلەرىنىڭ قيىلىسىندا بولعان.
ەكى جۇرگىزۋشى بىر-بىرىمەن جانجالداسىپ جاتقاندا تاعى ءبىر كولىك توقتاپ، ودان شىققان ادامدار دا جانجالعا ارالاسقان. توبەلەس كەزىندە بىرنەشە زارداپ شەگىپ، ەكى ادام اۋرۋحاناعا جەتكىزىلدى. الايدا ءبىر ادام كوز جۇمدى.
پوليسيا بولعان جاعدايقا قاتىستى قىلمىستىق ءىس قوزعادى.
"ادام ءولتىرۋ دەرەگى بويىنشا قىلمىستىق ءىس قوزعالدى. شىمكەنت پوليسيا دەپارتامەنتى كۇدىكتىلەردىڭ جۇرگەن جەرىن انىقتاۋ جانە ولاردى ۇستاۋ ءۇشىن شارالار قابىلداپ جاتىر. كۇدىكتىلەردى انىقتاۋعا جانە ۇستاۋعا باعىتتالعان جەدەل ىزدەستىرۋ ءىس-شارالارىنا دەپارتامەنتتىڭ بارلىق كۇش-قۇرالى جۇمىلدىرىلدى"، - دەدى پوليسيا.