قازاقستاننىڭ ەكىنشى، الەمنىڭ 94-راكەتكاسى يۋليا پۋتينسيەۆا اۋستراليا اشىق چەمپيوناتىنىڭ ءۇشىنشى اينالىمىنا شىقتى، - دەپ حابارلايدى aqshamnews.kz ءتىلشىسى.
قازاقستاندىق تەننيسشى ەكىنشى اينالىمدا الەمنىڭ 60-راكەتكاسى، فرانسيالىق ەلزا جاكەمومەن وينادى.
ءبىرىنشى پارتيادا پۋتينسيەۆا ايقىن باسىمدىلىق كورسەتتى – 6:1. ەكىنشى سەتتە دە سول قارقىنىنان تانعان جوق – 6:2.
ءبىر ساعات 14 مينۋتقا سوزىلعان باسەكەدە پۋتينسيەۆا 6 برەيك-پوينتتىڭ بەسەۋىن مۇلتىكسىز پايدالاندى. جاكەمو 1 ەيس، 1 برەيكپەن (7 برەيك-پوينت) شەكتەلدى.
يۋليا پۋتينسيەۆا ءتورتىنشى اينالىمعا ءوتۋ ءۇشىن الەمدىك رەيتينگىدە 112-دە تۇرعان تۇركيالىق زەينەپ سونمەزبەن تالاسادى.