ەپتىلىك - ەتى تىرىلىككە الىپ كەلەدى
اۆستراليالىق دارىگەر ءارى پسيحولوگ زيگمۋند فرەيد «ءار ادامنىڭ تۇيسىگىندە ەشكىمگە ايتپايتىن تىلەك-ارمانى بولادى. كەيدە ءوزى دە مويىندامايتىن تىم قۇپيا قالاۋى بولاتىنى راس» دەپ ايتىپ كەتكەن ەكەن. جان تانۋ ىلىمىنە سۇيەنىپ ايتىلعان ءسوزدىڭ ارعى جاعىندا ۇلكەن شىندىقتىڭ شەتى كورىنىپ جاتىر. ولاي بولاتىنىنىڭ ءوز سەبەبى بار. ەل اراسىندا «ارماندار ورىندالادى نەمەسە شىندىققا اينالادى» دەيدى. ءسال ءمان بەرىپ، زەر سالساڭىز قۋاتتى وي ەكەنىنە كوز جەتكىزەسىز. ءاربىر ادام اقىلدى، ءاربىر جان تالاپتى. ار جاعىنداعى ماتەريالدىق تۇرعىدان العاندا اۋحاتتى بولۋ، باي ادامعا اينالۋ ءوز ەركىڭىزدە. وعان ەشقانداي شەكتەۋ جوق. ادامزاتتىڭ پسيحولوگياسىمەن اينالىسىپ جۇرگەن مامانداردىڭ دا كەڭەسى وسى. ويتكەنى ءسىزدى كەلىپ، عايىپتان ەشكىم كوتەرىپ، بارلىعىن جاقسى ەتىپ بەرمەيدى. بارىنە بىرتىندەپ قول جەتكىزەتىن، تەك قانا ءوزىڭىز. سوندىقتان، ءار ۋاقىتتا ومىرگە ءپوزيتيۆتى قاراعان ءجون. فرەيدتىڭ ايتپاعىدا وسى.
ۋاقىتتى ۇتىمدى پايدالانۋ. بىزدەر ءۇشىن ەڭ قاجەتتى نارسەع ول – ۋاقىت. ءاربىر ساعات ماڭىزدى. ءاربىر ءسات ءقادىرلى. ونسىز العا قادام باسۋ مۇداي كورىنەدى. بىزدەر بۇعان دەيىندە ۇنەمى وسى تاقىلەكتتەس پايىمداردى كەلتىرىپ ءجۇرمىز. دەسەكتە، ءبىر عانا ماتەريال كولەمىندە جەتكىزىپ، تۇگەسىپ تاستاي مۇمكىن ەمەس ەكەنى انىق. سول سەبەپتى ءاردايىم پايىمداۋلار مەن ساراپتاۋلاردى ۇسىنىپ كەلەمىز.
بولاشاق بۇگىننەن باستاۋ الادى. وتە قوسىلام وسى ويلارعا. نەگە دەسەڭىز؟ ولاي بولاتىنىنڭ ءوز ءجونى مەن جوسىعى بار. بىرتىندەپ، ءوز ارماندارىڭىزعا جاقىنداي ءتۇسىڭىز. جايمەندەپ ورىندالادى. بارلىعى سوعان بايلانىستى. بۇرىننان كەلە جاتقان «اسىقپا، ءبىراق ۇنەمى قوزعالىس جاسا» دەگەن ءسوز بار. بۇل ادامعا سونداي موتيۆاسيا بەرەتىن پىكىر دەپ بىلەمىز. بۇعان شەيىن دە ايتتىق. ەگەر ادامنىڭ الدىنا قويعان ماقساتى، مىنا دەڭگەيگە جەتەم دەگەن مۇددەسى بولماسا، بارلىعى دالباسا. سونىمەن قاتار، حالىق اراسىندا ءاردايىم قيىنشىلىقتى كۇلىپ جەڭ دەيدى. تەگى راس ايتىلعان وي.
ءوز زامانىنىڭ دانىشپانى ھاكىم اباي اتامىز ادام جانى تۋرالى تەرەڭدەتە جىرلاعان. «اقىرىن ءجۇرىپ انىق باس، ەڭبەگىڭ كەتپەس دالاعا...» دەيدى. ارعى سويلەمدەرى باسقالاي جالعاسسادا. بەرەر وي تىم اۋقىمدى. قازىرگى كەزەڭگە شاق كەلىپ تۇرعانداي. كوزى قاراقتى ازامات وسىدان ءبىراز وي ءتۇيىپ، العا قاراي تالپىنا الادى. اراسىنان قاجەتتىسىن الىپ، كادەسىنە جاراتادى.
ءتۇيىن. قازاق حالقى دانا ەل. ءبىزدىڭ جۇرتىمىزدا «جاقسى ءسوز – جارىم ىرىس» دەپ جاتادى. ءاردايىم ماقساتىڭ ايقىن بولۋ كەرەك سياقتى. ونسىز قيمىل بولمايدى، ارەكەت جاساپ تا قاتىرمايسىز. سوندىقتان ءارقاشان ءوزىڭىزدىڭ تۋرا باعىتىڭىزدان تانباڭىز. سوندا سىزدەن مىقتى ازامات شىعادى دەگەن ويدامىز. بىلايشا توپشىلاعاندا، ەپتى بولساڭىز بارىنە قول جەتكىزەسىز دەمەكپىز.