ەڭلىك-كەبەك كەسەنەسى اشىلدى

شارا مۇحتار اۋەزوۆتىڭ 125 جىلدىعىنا ورايلاستىرىلعان.

اباي وبلىسىنداعى ەڭلىك-كەبەك كەسەنەسى جاڭعىرتىلدى، دەپ حابارلايدى Almaty-akshamy.kz

اباي وبلىسى اكىمدىگى باسپا ءسوز قىزمەتىنىڭ مالىمەتىنشە، مۇحتار اۋەزوۆتىڭ مەرەيتويى تۋعان جەرى اباي اۋدانىندا كەڭ كولەمدە اتالىپ وتۋدە.

«ءۇش كۇنگە جوسپارلانعان مەرەكەلىك شارالار سەمەي-بورىلى-قاراۋىل باعىتىندا كەزەڭ-كەزەڭىمەن وتۋدە. مەرەيتوي مۇحتار اۋەزوۆتىڭ اكە-شەشەسى ومارحان مەن نۇرجامالدىڭ كەسەنەسىنە بارىپ قۇران باعىشتاۋدان باستالدى. ارتىنشا كەمەڭگەر جازۋشىنىڭ تۋعان جەرى بورىلىدە بەس جاسار تۇيەنى قۇرباندىققا شالىپ، اۋەزوۆ رۋحىنا تاعزىم جاسالدى»، - دەلىنگەن اقپاراتتا.

جازۋشىنىڭ 125 جىلدىعىن اتاپ ءوتۋ جونىندەگى رەسپۋبليكالىق جوسپارعا سايكەس، بيىل 4 باعىت بويىنشا 82 ءىس-شارا ۇيىمداستىرىلعان.

«اباي اۋدانىندا ىسكەر ازاماتتار مەن جەرگىلىكتى حالىقتىڭ قولداۋىمەن كەڭگىرباي بيگە ەسكەرتكىش ورناتىلدى. سونداي-اق جاڭارتىلعان ەڭلىك-كەبەك كەسەنەسىنىڭ سالتاناتتى اشىلۋى بولدى. اۋەزوۆتىڭ مەرەيتويى تۋعان جەرىندە ءۇش كۇن بويى تويلانباق. شارا بارىسىندا، قازاقشا كۇرەس، الامان بايگە، جورعا جارىس، فۋتبول، گالا كونسەرت وتكىزۋ كوزدەلۋدە»، - دەلىنگەن حابارلامادا.