بارلىق سىن ورىندى - قايىربەك وسكەنبايەۆ

بۇل تۋرالى يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ  ايتتى، دەپ حابارلايدى Almaty-akshamy.kz Almaty.tv سايتىنا سىلتەمە جاساپ. 

مەملەكەت باسشىسى قاسىم-جومارت توقايەۆ بيىلعى جولداۋىندا  2025 جىلعا دەيىن جەرگىلىكتى جولداردىڭ كەمىندە 95 پايىزىن جاقسارتۋ جونىندە تاپسىرما بەرگەنىن ايتتى.

"ايتىلعان بارلىق سىن ورىندى. بۇل دالادان كەلگەن سىن ەمەس، سول جولدارمەن ءجۇرىپ مويىندالعان سىن، جوندەۋ كەرەك. جاڭا فورماتتا جۇمىس ىستەۋىمىز كەرەك. ءبىز مەملەكەت تاپسىرعان 11،5 مىڭ شاقىرىم جولدى سالىپ جاتىرمىز. قوسىمشا جەرگىلىكتى اكىمشىلىكتەر دە سالىپ جاتىر. بىزدە 1 ملن توننا بيتۋم شىعارىلادى. ال بىزگە كەرەگى 1،2-1،3 ملن توننا كەرەك. بيتۋمدى كوبەيتۋ ءۇشىن سول زاۋىتتارمەن جۇمىس ىستەپ جاتىرمىز. ەكىنشىدەن، تەحنيكا ماسەلەسىن شەشۋىمىز كەرەك"، - دەدى ول.

پرەزيدەنت جولداۋىندا جول قۇرىلىسىنداعى زاڭسىزدىقتاردى انىقتاۋ قاجەتتىگىن باسا ايتتى. 

"بۇل جۇمىستان ناقتى ناتيجە شىعارۋ كەرەك. بىزدە ءالى كۇنگە دەيىن بيتۋم تاپشى. بۇل – ءىرى كولەمدە مۇناي وندىرەتىن ەل ءۇشىن، ءتىپتى، ۇيات جاعداي. ۇكىمەت وسى ماسەلەنى تۇبەگەيلى شەشۋگە ءتيىس. جالپى، اشىعىن ايتۋىمىز كەرەك، ۇكىمەتتىڭ جۇمىسىندا قايتا-قايتا ولقىلىقتار بولىپ جاتىر. بىرەسە جانار-جاعارماي، بىرەسە شەكەر جەتىسپەيدى. وسىنىڭ ءبارى ۇكىمەتتىڭ ناقتى شەشىم قابىلداۋعا كەلگەندە وتە باياۋ قيمىلداپ، باتىل قادام جاساي الماۋىنان بولىپ وتىر. مۇنداي جاعدايعا ازاماتتاردىڭ دا كوڭىلى تولمايدى. ارينە، بۇل – ورىندى. سوندىقتان، ءدال وسىلاي جالعاسا بەرسە، تاعى دا ناقتى كادرلىق شەشىمدەر قابىلداۋعا تۋرا كەلەدى"، - دەدى پرەزيدەنت ءوز جولداۋىندا.