2025 جىلدىڭ 10 قاڭتارىندا ق ر ونەركاسىپ جانە قۇرىلىس مينيسترلىگىندە Dena (Deutsche Energie-Agentur) گەرمانيا اگەنتتىگىنىڭ وكىلدەرىمەن كەزدەسۋ ءوتتى.
كەزدەسۋ بارىسىندا ەنەرگەتيكا ساياساتى، قالا قۇرىلىسى جانە ەنەرگيا تيىمدىلىگى سالاسىنداعى نەگىزگى ماسەلەلەر تالقىلاندى، دەپ حابارلايدى aqshamnews.kz.
كەزدەسۋ بارىسىندا ەنەرگەتيكا ماسەلەلەرى بويىنشا پىكىر الماسۋ ءوتىپ، قاتىسۋشىلار وسى سالاداعى پەرسپەكتيۆالار مەن وزەكتى ماسەلەلەردى قاراستىردى. ەرەكشە نازار ەنەرگيا تيىمدىلىگى سالاسىندا جوسپارلاۋ مەن تالداۋدى جاقسارتۋعا ارنالعان ينتەراكتيۆتى كارتانى ازىرلەۋ مەن ەنگىزۋگە اۋدارىلدى. سونىمەن قاتار، گەرمانيانىڭ زاڭنامالىق تاجىريبەسى قاراستىرىلىپ، ەنەرگيا ۇنەمدەۋ جانە تۇراقتى قۇرىلىس ءۇشىن ءتيىمدى نورماتيۆتىك اكتىلەردى ازىرلەۋ ماسەلەسى تالقىلاندى. گەرمانيالىق ساراپشىلار دەكاربونيزاسيا ماقساتتارىن جۇزەگە اسىرۋ ستراتەگياسىنا قاتىستى ۇسىنىستارىن ءبىلدىرىپ، ەنەرگەتيكالىق كونسەپسيانىڭ ماقساتتارىنا جەتۋ ءۇشىن بىرنەشە تاسىلدەردىڭ بىرىگۋىنىڭ ماڭىزدىلىعىن اتاپ ءوتتى. اسىرەسە، تۇراقتى زاڭنامالىق نەگىزدەردى قۇرۋعا باعىتتالعان سەنىمدى اكىمشىلىك نورمالاردى ازىرلەۋدىڭ قاجەتتىلىگىنە ەرەكشە كوڭىل ءبولىندى.
سونداي-اق، 2024 جىلعى عيماراتتارداعى ەنەرگيا تيىمدىلىگى تۋرالى زاڭعا (GEG 2024) نازار اۋدارىلدى، ول جاڭا جانە قولدانىستاعى عيماراتتاردىڭ ەنەرگەتيكالىق ساپاسىن، سونىڭ ىشىندە ولاردىڭ جاڭعىرتىلۋىن رەتتەيدى.
بۇدان بولەك، ەنەرگەتيكالىق ينفراقۇرىلىمدى جاقسارتۋعا باعىتتالعان Felicity II جوباسىن جۇزەگە اسىرۋ مۇمكىندىكتەرى جانە جوبالىق وفيس قۇرۋ ماسەلەلەرى قارالدى.
تاراپتار ەنەرگيا تيىمدىلىگى، تۇراقتى قۇرىلىس جانە ەنەرگەتيكا سالاسىنداعى حالىقارالىق جوبالار بويىنشا ىنتىماقتاستىقتى ودان ءارى تەرەڭدەتۋگە قىزىعۋشىلىق ءبىلدىردى.