بۇگىنگى تاڭدا وندىرىلگەن 347 مەگاۆاتت ەلەكتر ەنەرگياسىنىڭ 307 مەگاۆاتى وڭتۇستىك وبلىستارعا جىبەرىلۋدە، بۇل اقتوعاي قوسالقى ستانسياسىنان شىعاتىن جەلى ارقىلى جۇزەگە اسىپ وتىر.
ياعني، ءبىزدىڭ وبلىستا وندىرىلگەن ەنەرگيانىڭ 90%-ى وڭتۇستىكتىڭ قاجەتتىلىگىن جابۋعا كەتىپ جاتىر.
بۇل كورسەتكىشتەر ەلدەگى ەنەرگيا تاپشىلىعىنىڭ اۋقىمىن ايقىندايدى. ءبىزدىڭ باستى مىندەتىمىز — ەنەرگيانىڭ سەنىمدى جانە تۇراقتى كوزدەرىن تابۋ. وسى تۇرعىدا اتوم ەلەكتر ستانسياسى (اەس) ەڭ ءتيىمدى شەشىمدەردىڭ ءبىرى بولماق. اەس-تىڭ ءبىر عانا بلوگى مىڭ جارىم مەگاۆاتت ەنەرگيا وندىرۋگە قابىلەتتى. بۇل — بۇكىل ايماقتاردىڭ قاجەتتىلىگىن جابۋعا جانە ەنەرگيا تاپشىلىعىن جويۋعا زور مۇمكىندىك.
مەن ەلىمىزدىڭ ەنەرگەتيكالىق بولاشاعىنا بەي-جاي قارامايتىن بارشا ازاماتتاردى الداعى رەفەرەندۋمعا بەلسەندى قاتىسۋعا شاقىرامىن. اتوم ەنەرگەتيكاسى ارقىلى ءبىز تەك ەنەرگيا تاپشىلىعىن شەشىپ قانا قويماي، ەلدىڭ ەنەرگەتيكالىق تاۋەلسىزدىگىنە قول جەتكىزىپ، تۇراقتى دامۋدى قامتاماسىز ەتە الامىز. 🇰