اتوم ەنەرگەتيكاسى تۋرالى ايتقان كەزدە ءبىز ءالى كۇنگە دەيىن چەرنوبىل اپاتىن ەسكە الامىز، وسىدان راديوفوبيا قالىپتاسىپ قالعان.
ءبىراق بۇل دۇرىس ەمەس، سەبەبى قازىرگى اتوم ەلەكتر ستانسيالارى (اەس) مۇلدە باسقا دەڭگەيدە. اتوم ەنەرگەتيكاسى بۇگىنگى تاڭدا — ۇلكەن ءارى كۇردەلى پروسەسس، ونى دۇرىس ءتۇسىنۋ وتە ماڭىزدى. سوندىقتان ونىڭ جۇمىس ىستەۋ ءپرينسيپىن قاراپايىم تىلمەن ءتۇسىندىرۋ قاجەت دەپ سانايمىن.
اتوم ەلەكتر ستانسياسىنىڭ قالىپتى جۇمىس ىستەۋى ءۇشىن 2 مىڭنان استام ادام قاجەت، ونىڭ ىشىندە 400-گە جۋىق جوعارى ءبىلىمدى ماماندار. بۇل كورسەتكىش اەس-تىڭ قانشالىقتى كۇردەلى جانە جاۋاپتى جوبا ەكەنىن كورسەتەدى. ەگەر قازاقستاندا اتوم ەلەكتر ستانسياسى سالىناتىن بولسا، ەڭ وزىق تەحنولوگيالار پايدالانىلاتىن بولادى.
بىزگە وتكەننىڭ قورقىنىشتارىنان ارىلىپ، اتوم ەنەرگەتيكاسىنىڭ قازىرگى مۇمكىندىكتەرىن دۇرىس ءتۇسىنۋ قاجەت. بۇل بولاشاقتىڭ ەنەرگياسى، ول قازاقستاننىڭ ەنەرگەتيكالىق بولاشاعىنا ۇلكەن ۇلەس قوسا الادى.