كاسىبي جولىن ەنەرگەتيكا سالاسىنان باستاعان ول بۇگىندە قازاقستاننىڭ جاڭا بۋىن اگروونەركاسىپتىك كاسىپكەرلەرىنىڭ جارقىن وكىلدەرىنىڭ ءبىرى اتاندى.
2005 جىلى نيازالى كەنتاۋ كوپسالالى كوللەدجىن «ەلەكتروەنەرگەتيكا» ماماندىعى بويىنشا اياقتاپ، كەيىن عۇماربەك داۋكەيەۆ اتىنداعى الماتى ەنەرگەتيكا جانە بايلانىس ۋنيۆەرسيتەتىندە ءبىلىمىن جالعاستىردى. بىرنەشە جىل ءىرى كومپانيالاردا ەڭبەك ەتتى، دەپ حابارلايدى aqshamnews.kz اۋىل شارۋاشىلىعى مينيسترلىگىنە سىلتەمە جاساپ.
2019 جىلى جاس مامان اگرارلىق سالاعا تولىقتاي بەت بۇرىپ، BNK GROUP LTD كومپانياسىن قۇردى. بۇل كومپانيا بۇگىندە قازاقستاننىڭ اگروونەركاسىپتىك كەشەنىندەگى جەتەكشى حولدينگتەردىڭ ءبىرى سانالادى.
BNK GROUP اۋىل شارۋاشىلىعى ونىمدەرىن، مينەرالدى تىڭايتقىشتاردى، ارنايى جابدىقتاردى جەتكىزۋمەن اينالىسادى جانە اگرارلىق وندىرىستە يننوۆاسيالىق تەحنولوگيالاردى بەلسەندى تۇردە ەنگىزۋدە.
2023 جىلى كومپانيا جاڭبىرلاتىپ سۋعارۋ ماشينالارىن شىعاراتىن زاۋىتىن ىسكە قوستى — بۇل سۋارۋ ينفراقۇرىلىمىن دامىتۋ مەن ونىمدىلىكتى ارتتىرۋ جولىنداعى ماڭىزدى قادام بولدى.
حولدينگتىڭ ەڭ ءىرى جوبالارىنىڭ ءبىرى – 1200 باس ءىرى قاراعا ارنالعان ءسۇت-تاۋار فەرماسىن سالۋ بولدى. بۇل جوبا ءسۇت ءوندىرىسىنىڭ كولەمىن ايتارلىقتاي ارتتىرىپ قانا قويماي، وڭىردە جاڭا جۇمىس ورىندارىن اشۋعا سەپتىگىن تيگىزدى.
2024 جىلدىڭ قورىتىندىسى بويىنشا BNK GROUP حولدينگى زور جەتىستىكتەرگە قول جەتكىزدى: جالپى ينۆەستيسيا كولەمى 24 ميلليون اقش دوللارىن، ال جوبالارعا سالىنعان جيىنتىق قارجى 26،6 ميلليارد تەڭگەنى قۇرادى.
نيازالى بەيسەنبايەۆ – تۇراقتى دامۋ، تەحنولوگيالىق جاڭاشىلدىق پەن ەلدىڭ ازىق-تۇلىك قاۋىپسىزدىگىن ارتتىرۋعا باسىمدىق بەرەتىن، پروگرەسسيۆتى ءارى الەۋمەتتىك جاۋاپكەرشىلىگى جوعارى كاسىپكەردىڭ جارقىن ۇلگىسى. ونىڭ وقيعاسى جاس فەرمەرلەرگە شابىت بەرەدى جانە اگرارلىق سالا – تەك ءداستۇردىڭ جالعاسى عانا ەمەس، سونىمەن قاتار جاڭعىرتۋ مەن ەكونوميكالىق ءوسۋدىڭ قۋاتتى قوزعاۋشى كۇشى ەكەنىن دالەلدەيدى.