ەنەرگەتيكا مينيسترلىگى ەلەكتر قۋاتىنىڭ ءتاريفىن كوتەرمەك

يندەكساسيالاۋدى كوزدەيتىن بولجامدى تاريفتىك ساياسات قاجەت.

قازاقستان ۇكىمەتى ەلەكتر قۋاتىنىڭ ءتاريفىن كوتەرمەك. بۇل تۋرالى ارنايى بريفينگتە ەنەرگەتيكا ءمينيسترى بولات اقشولاقوۆ ايتتى، دەپ حابارلايدى Almaty-akshamy.kz Inbusiness.kz سىلتەمە جاساپ. 

ينۆەستيسيالار اعىنىن قامتاماسىز ەتۋ ءۇشىن ەلەكتر ەنەرگياسى نارىعىنداعى قازىرگى ءتاريفتى ايىنا 1 مۆت ءۇشىن قازىرگى 590 000 تەڭگەدەن 885 000-عا دەيىن كوتەرۋ قاجەت، دەپ حابارلادى ەنەرگەتيكا ءمينيسترى بولات اقشولاقوۆ. ونىڭ ايتۋىنشا، بۇل جىلىنا قوسىمشا 35 ملرد تەڭگە تارتۋعا مۇمكىندىك بەرەدى.

سونىمەن قاتار، ەلەكتر ەنەرگياسى تاريفتەرىن تەجەۋ بويىنشا قولدانىستاعى ساياسات ينفلياسيانىڭ ءوسۋىن تولىق ەسەپكە المادى، بۇل سالانىڭ ينۆەستيسيالىق تارتىمدىلىعىنا دا اسەر ەتتى.

"بۇل ءتاسىلدى قايتا قاراۋ ۇسىنىلادى. ەنەرگەتيكا كاسىپورىندارىنىڭ جۇمىسىنىڭ تۇراقتىلىعىن قامتاماسىز ەتۋ ءۇشىن ينفلياسيا دەڭگەيىنە يندەكساسيالاۋدى كوزدەيتىن بولجامدى تاريفتىك ساياسات قاجەت. سونداي-اق جىلۋ وندىرۋگە جۇمسالعان شىعىنداردى وتەۋ ماسەلەسى دە كوتەرىلدى. ياعني، كروسس-سۋبسيديالاۋدى الىپ تاستاۋ كەرەك. تۇتىنۋشىلاردىڭ جەكەلەگەن ساناتتارىن سۋبسيديالار بولادى"، – دەپ ءتۇسىندىردى ۆەدومستۆو باسشىسى.