الداعى جىلدارى ەلىمىزدە 10 ملن ادام باسپاناعا مۇقتاج بولۋى مۇمكىن.
ءقازىردىڭ وزىندە 2 ملن ازامات تۇرعىن ءۇي الۋعا نيەتتى. 500 مىڭ ادام اكىمدىكتەردە باسپانا كەزەگىندە تۇر. كەيىنگى جىلدارى اۋىلدان قالاعا 5 ملن جۋىق تۇرعىن قونىس اۋدارعان. سونداي-اق شەتەلدەن كەلىپ جاتقان قانداستاردى ەسەپكە الساق، جاڭاعى ايتقان 10 ملن ادامعا باسپانا قاجەت بولادى. استانادا جىلجىمايتىن مۇلىك نارىعى جايىندا وتكەن فورۋمدا وسى ماسەلەلەر ايتىلدى، دەپ حابارلايدى Almaty-akshamy.kz.
وسى جيىندا ەلدە حالىقارالىق جىلجىمايتىن مۇلىك قاۋىمداستىعىنىڭ كەڭسەسى اشىلعانى دا بەلگىلى بولدى. وسى ۇيىم وكىلدەرى، وتاندىق جانە شەتەلدىك قۇرىلىس كومپانيالارىنىڭ باسشىلارى مەن سالاعا قاتىستى ماماندار تۇرعىن ءۇي نارىعىن دامىتۋ جايىندا پىكىر الماستى.
«بۇل بولاشاقتا بىزگە نە بەرەدى دەگەن ماسەلەگە توقتالساق، كوپتەگەن شەتەلدىك كومپانيالار ءبىزدىڭ ەلدەگى قۇرىلىس نارىعى مەن ونداعى احۋالدى بىلە بەرمەيدى. ءبىزدىڭ قاۋىمداستىق جىلجىمايتىن مۇلىك نارىعىنىڭ دامۋ باعىتىنا ساراپتاما جاساپ، ارىپتەستەرگە جان-جاقتى قولداۋ كورسەتىپ وتىرادى»، - دەدى FIABCI CENTRAL ASIA كەڭسەسىنىڭ باسشىسى ءاليا سەرىكپايەۆا.