تاعى ءبىر سيفرلىق قۇجات قولدانىسقا ەنگىزىلدى.
eGov mobile ءموبيلدى قوسىمشاسىندا ءبىرىڭعاي ۇلتتىق تەستىلەۋ كۋالىگىنىڭ سيفرلىق نۇسقاسىن جۇكتەۋگە بولادى، دەپ حابارلايدى Almaty-akshamy.kz "ۇلتتىق اقپاراتتىق تەحنولوگيالار" اق-سىنا سىلتەمە جاساپ.
قازىرگى ۋاقىتتا "سيفرلىق قۇجاتتار" سەرۆيسىندە 30 قۇجات، سونىڭ ىشىندە جەكە كۋالىك، جۇرگىزۋشى كۋالىگى، ق ر ازاماتىنىڭ پاسپورتى جانە باسقالارى بار
سيفرلىق سەرتيفيكاتتا ءاربىر ءپان بويىنشا ۇپايدىڭ سانى كورسەتىلگەن. سونداي-اق، ۇلتتىق تەستىلەۋ ورتالىعىنىڭ ەلەكتروندىق سيفرلىق قولتاڭباسى بار.
سونداي-اق، ۇبت سەرتيفيكاتتارى IB، ACT، SAT، A-Level سياقتى حالىقارالىق تەستتەرگە قاراي جىكتەلگەن. نازاربايەۆ زياتكەرلىك مەكتەبىنىڭ تۇلەكتەرىنە، اقىلى وقۋعا نەمەسە مەملەكەتتىك ءبىلىم بەرۋ باعدارلامالارىنا قاتىسۋعا ۇمىتكەرلەرگە ارنالعان كۋالىكتەر بار.
"بۇل تۇلەكتەرگە ۇلتتىق ءبىرىڭعاي تەستىلەۋ ناتيجەلەرىن ۇسىنۋ ءۇشىن سيفرلىق سەرتيفيكاتتى پايدالانۋعا مۇمكىندىك بەرەدى"،- دەپ اتاپ ءوتتى ۇلتتىق اقپاراتتىق تەحنولوگيالار" اق باسقارما ءتوراعاسى روستيسلاۆ كونياشكين.
ۇبت سەرتيفيكاتىن الۋ ءتارتىبى:
قوسىمشاعا كىرىپ، باستى بەتتە "ساندىق قۇجاتتاردى" باسۋ؛
قۇجاتتار ءتىزىمىن جاڭارتقاننان كەيىن ۇبت كۋالىگى شىعادى؛
ايتا كەتەرى، ۇبت كۋالىگىنىڭ مەرزىمى اياقتالسا، سيفرلىق قۇجاتتار تىزىمىندە كورسەتىلمەيدى. ونداي قۇجات تەست تاپسىرعاننان كەيىن كەلەسى جىلدىڭ 31 جەلتوقسانىنا دەيىن جارامدى. سيفرلىق كۋالىكتىڭ ءتۇپنۇسقالىعىن QR-كود ارقىلى تەكسەرۋگە بولادى.
قازىرگى ۋاقىتتا "سيفرلىق قۇجاتتار" سەرۆيسىندە 30 قۇجات، سونىڭ ىشىندە جەكە كۋالىك، جۇرگىزۋشى كۋالىگى، ق ر ازاماتىنىڭ پاسپورتى جانە باسقالارى بار.