980 ورىندىق جاتاقحانا ەكى تۇرعىن ءۇي عيماراتىنان جانە 198 ورىندىق تريبۋناسى بار ويىن زالى بار سپورت كەشەنىنەن تۇرادى.
قبتۋ-دىڭ جاڭا جاتاقحاناسى جيھازبەن تولىق جابدىقتالعان زاماناۋي كوۆوركينگ ورتالىعىنا ۇقسايدى. نىسان جايلى تۇرۋ، سپورتپەن شۇعىلدانۋ جانە ستۋدەنتتەردىڭ پايدالى بوس ۋاقىتىن وتكىزۋ ءۇشىن بارلىق زاماناۋي تالاپتارعا جاۋاپ بەرەدى. سپورت كەشەنىندە كۇرەس، باسكەتبول، فۋتبول بويىنشا ساباقتار وتكىزىلەدى. سپورت زالى، جوعارى جىلدامدىقتى wi-fi بار، دەپ حابارلايدى Almaty-akshamy.kz.
«قازاقستان رەسپۋبليكاسى پرەزيدەنتىنىڭ تاپسىرماسى بويىنشا الماتى قالاسىندا جاتاقحانا تاپشىلىعى ماسەلەسىن شەشۋ بويىنشا جۇمىستار جۇرگىزىلۋدە. الماتى قالاسىن دامىتۋ باعدارلاماسى اياسىندا 2025 جىلدىڭ سوڭىنا دەيىن قالا اكىمدىگى 12 مىڭ ورىندىق، ال 2030 جىلدىڭ سوڭىنا دەيىن تاعى 20 مىڭ ورىندىق جاتاقحانا سالۋ جوسپارلاعان، بۇل جاتاقحانا تاپشىلىعى ماسەلەسىن تولىق شەشۋگە مۇمكىندىك بەرەدى»، - دەدى الماتى قالاسى جاستار ساياساتى باسقارماسىنىڭ باسشىسى قايىرجان مەڭدىعالييەۆ.
ونىڭ ايتۋىنشا، بيىل 3 969 ورىنعا ارنالعان 14 نىسان پايدالانۋعا بەرىلدى. وسىلايشا، بيىلعى جىلعا جوسپارلانعان كورسەتكىش 2 ەسەگە جۋىق ورىندالدى، ال جاتاقحانا تاپشىلىعى 28،7 مىڭ ورىنعا دەيىن قىسقاردى.
«بيىل جاستاردىڭ جايلى ءومىر ءسۇرۋى ءۇشىن بارلىق تالاپقا ساي كەلەتىن ەكى جاڭا ستۋدەنتتىك جاتاقحانا اشامىز. عيماراتتاردىڭ اۋدانى 14 مىڭ شارشى مەتردەن اسادى. وسىلايشا، ورىنداردىڭ جالپى قاجەتتىلىگىن جابامىز. ق ر عىلىم جانە جوعارى ءبىلىم مينيسترلىگى مەن الماتى قالاسىنىڭ اكىمدىگىنە جاڭا جاتاقحانالاردىڭ قۇرىلىسىنا كورسەتكەن قولداۋى ءۇشىن العىس ايتقىم كەلەدى»، - دەدى قازاقستان-بريتان تەحنيكالىق ۋنيۆەرسيتەتىنىڭ رەكتورى ماراتبەك عابدۋللين.
«مۇناي-گاز ءىسى» ماماندىعىندا وقيتىن ەكىنشى كۋرس ستۋدەنتى دامير بەردييەۆ پاۆلوداردان كەلدى. ول جاتاقحانانىڭ ءۇشىنشى كورپۋسىنىڭ باستىعى بولىپ تاعايىندالدى. «شىنىمدى ايتسام، ءبىز ءۇشىن جاڭا جاتاقحانا، اسىرەسە سپورت كەشەنىن سالاتىنىن ەستىگەندە، سپورتپەن شۇعىلدانۋىمىز، وسىندا تۇرۋىمىز، وقۋىمىز جانە بارلىق جاعىنان دامۋىمىز ءۇشىن كۇتپەگەن جاعداي بولدى. عيماراتتىڭ ينتەرەرىنە، ديزاينىنا، ساپاسىنا قاراپ، وتە قۋاندىم، بۇل وتە كەرەمەت، زاماناۋي، بۇل شىنىمەن دە ادامعا شابىت بەرەدى»، - دەدى ول.
الماتىدا بارلىعى 35 جوعارى وقۋ ورنى بار، وندا 199 مىڭنان استام ستۋدەنت وقيدى، ونىڭ 62%-دان استامى نەمەسە 124 مىڭى وزگە وڭىردەن كەلگەندەر.
وقۋ جىلىنىڭ باسىندا قالادا 32 مىڭ ستۋدەنت تۇراتىن جوو جانىنداعى 95 جاتاقحانا جۇمىس ىستەدى. جاتاقحانالاردىڭ تاپشىلىعى 32،7 مىڭ ورىن.
وسى باعىتتاعى جۇمىستاردى ءتيىمدى ۇيلەستىرۋ ءۇشىن الماتىدا قالاداعى جاتاقحانا ماسەلەسىن جۇيەلى شەشۋ ءۇشىن قۇرىلعان جوبالىق كەڭسە اشىلدى.
ىسكە قوسىلعاننان بەرى وعان 114-تەن استام الەۋەتتى ينۆەستورلار جۇگىندى، بۇل قولداۋ مەحانيزمىنىڭ پايداسىن كورسەتەدى. قازىرگى ۋاقىتتا جوبالىق كەڭسەدە 42 452 ورىنعا ارنالعان 48 جوبا بار، ونىڭ ىشىندە 33 نىسان 38 740 ورىنعا ارنالعان جاڭا جاتاقحانا سالۋعا، 15 نىسان 3 712 ورىنعا ارنالعان جاتاقحانالار رەتىندە قولدانىستاعى نىسانداردى قايتا جاڭارتۋدى كوزدەيدى.