№11 قالالىق ەمحانانىڭ باس دارىگەرى مايرا ءجۇنىسوۆا الماتى ەمحانالارىندا ستوماتولوگيالىق كومەكتى كىمگە جانە قالاي الۋعا بولاتىنىن ايتىپ بەردى، دەپ حابارلايدى اlmaty-akshamy.kz.
ونىڭ ايتۋىنشا، 18 جاسقا دەيىنگى بالالار مەن جۇكتى ايەلدەر ەمحانادا ءمامس پاكەتىندە جوسپارلى تۇردە تەگىن ستوماتولوگيالىق قىزمەتتەردى الا الادى. ولار ءۇشىن انەستەزيا، جاقتىڭ نەمەسە ءتىستىڭ رەنتگەنوگرافياسى، ءتىستى جۇلۋ، پرەپاراتتاۋ جانە پلومبا سالۋ، پەريوستوتوميا، پۋلپيت، پەريودونتيت، ءستوماتيتتىڭ، الۆەوليتتىڭ وتكىر تۇرلەرىن ەمدەۋ، ابسەسستى اشۋ سياقتى قىزمەتتەرى كورسەتىلەدى.
ءمامس پاكەتىندە شۇعىل ستوماتولوگيالىق قىزمەتتەردى الۋعا بولادى. ونى 18 جاسقا دەيىنگى بالالار، جۇكتى ايەلدەر، ۇوس قاتىسۋشىلارى جانە ولارعا تەڭەستىرىلگەن ادامدار، I، II، III توپتاعى مۇگەدەكتەر، "التىن القا" جانە "كۇمىس القامەن" ماراپاتتالعان كوپ بالالى انالار، اتاۋلى الەۋمەتتىك كومەك الۋشىلار، جاسى بويىنشا زەينەتكەرلەر، ينفەكسيالىق جانە الەۋمەتتىك ماڭىزى بار اۋرۋلارمەن اۋىراتىن جانە ەرەكشە قاجەتتىلىكتەرى بار بالاعا نەمەسە I توپتاعى مۇگەدەك بالاعا كۇتىم جاسايتىندار، جۇمىس ىستەمەيتىن قازاقستاندىقتار تالاپ ەتە الادى.
"مىسالى، ءبىزدىڭ ەمحانادا ءتىلدىڭ فرەنۋلۋمى پلاستيكاسى، جوعارعى جانە تومەنگى ەرىننىڭ فرەنۋلۋمىن بەكىتۋ انومالياسى، تىستەردى جۇلۋ، وتكىر تىستەردى، اشۋ جاق-بەت ايماعىنىڭ وتكىر، ءىرىڭدى قابىنۋ اۋرۋلارىن اشۋ سياقتى حيرۋرگيالىق ستوماتولوگيالىق ارالاسۋلار جەرگىلىكتى انەستەزيامەن جۇرگىزىلەدى. وسى ءىس-شارالاردىڭ بارلىعىن وتكىزۋ ءۇشىن بىزدە تۇتاس ستوماتولوگيالىق بولىمشە بار، وندا 15-كە جۋىق مامان جۇمىس ىستەيدى ءارى بولىمشە بارلىق قاجەتتى قىمبات قۇرال-جابدىقپەن قامتاماسىز ەتىلگەن. مامانعا بارۋ ءۇشىن ەمحانانىڭ قابىلداۋ بولىمىنە حابارلاسىپ، قابىلداۋعا جازىلۋ كەرەك"، - دەپ اتاپ ءوتتى مايرا ءجۇنىسوۆا.
ەستەرىڭىزگە سالا كەتەيىك، ەمحانا ءمامس اياسىندا حالىققا مەديسينالىق قىزمەت كورسەتۋ ورتالىعى بولىپ سانالادى.