بۇل تۋرالى سيفرلىق دامۋ ۆيسە-مينيسترى اسحات ورازبەك ايتتى.
ەندى ازاماتتار تەلەفون ءنومىرىن eGov mobile قوسىمشاسى ارقىلى الادى، دەپ حابارلايدى aqshamnews.kz
«ءقازىر الاياقتار الەۋمەتتىك جەلىلەردە جۇمىس ىستەيدى. نەگىزىنەن WhatsApp-تى قولدانادى. سوندىقتان ءبىز ۇيالى نومىرلەر جوسپارىن مەملەكەتكە قايتارۋ ءۇشىن زاڭنامالىق باستاما كوتەرەمىز. ءبىز نومىرلىك جوسپاردى مەملەكەتكە قايتارامىز جانە ازاماتتار ەلەكترون ۇكىمەت پورتالىندا نەمەسە eGov mobile قوسىمشاسى ارقىلى ۇيالى تەلەفون نەمەسە قالالىق بايلانىس ءنومىرىن الادى. سونىمەن قاتار ءبىر ادام الاتىن SIM-كارتالار سانىن شەكتەيمىز. ال ەندى كوممەرسيالىق ماقساتتا SIM-كارتالاردى باقىلاۋسىز الاتىن زاڭدى تۇلعالار ءار ءنومىردى پايدالانۋ ماقساتىن نەگىزدەۋى كەرەك بولادى. الداعى ۋاقىتتا وسىنداي باستامالارمەن سىزدەرگە كەلەمىز»، - دەدى ۆيسە-مينيستر.