زاڭسىز ساۋدامەن اينالىسقان 42 جاستاعى ايەل ۇستالدى.
جەتىسۋ اۋدانىنداعى ساۋدا ۇيلەرىنىڭ بىرىندە ول قازاقستاندا اينالىمىنا تىيىم سالىنعان ەلەكتروندى تەمەكىلەردى ساتقان، دەپ حابارلايدى aqshamnews.kz Polisia.kz-كە سىلتەمە جاساپ.
– وسى جىلدىڭ 20 ماۋسىمىندا ۆەيپتەردى ساتۋعا تىيىم سالاتىن زاڭ كۇشىنە ەنگەنىن ەسكە سالامىز. وسىعان سايكەس، قازاقستان رەسپۋبليكاسىنىڭ قىلمىستىق كودەكسىنە 301-1-باپ (شىلىم شەكپەيتىن تەمەكى بۇيىمدارىن، ەلەكتروندى تۇتىنۋ جۇيەلەرىن (ۆەيپ)، حوش يىستەندىرگىشتەر مەن ولارعا ارنالعان سۇيىقتىقتاردى ساتۋ) تولىقتىرىلدى. شىلىم شەگۋگە بولمايتىن تەمەكى ونىمدەرىنىڭ، ونىڭ ىشىندە ەلەكتروندى تۇتىنۋ جۇيەلەرىن (ۆەيپتەر)، حوش يىستەندىرگىشتەر مەن سۇيىقتىقتاردى قوسا العاندا، ولاردىڭ اينالىمى ءۇشىن قىلمىستىق جاۋاپكەرشىلىكتىڭ قاراستىرىلۋى ازاماتتاردىڭ دەنساۋلىعىن تەمەكىنىڭ جاڭا تۇرلەرىنىڭ جانە قۇرامىندا نيكوتين بار ونىمدەردىڭ زياندى اسەرىنەن قورعاۋ كۇشەيتىلگەن مەملەكەتتىك ساياساتتى كورسەتەدى. سونداي-اق حالىق اراسىندا، اسىرەسە جاستار اراسىندا ىقتيمال ءقاۋىپتى زاتتاردىڭ تارالۋىنا بايلانىستى تاۋەلدىلىكتى ازايتۋ، – دەدى الماتى قالالىق پد ەكسترەميزمگە قارسى كۇرەس باسقارماسىنىڭ باستىعى اسحات داۋلەتياروۆ.