الماتى قالاسى اكىمدىگىنىڭ تىلدەردى دامىتۋ جانە ونوماستيكا ءبولىمى «كوركەمسوز وقۋ شەبەرلەرى» قالالىق بايقاۋىن وتكىزدى، دەپ حابارلايدى aqshamnews.kz
بايقاۋدىڭ ماقساتى – كوپشىلىككە كوركەم ادەبيەتتى، قازاق قالامگەرلەرىنىڭ شىعارماشىلىق مۇراسىن ناسيحاتتاۋ. سونداي-اق جاستار اراسىندا كىتاپ وقۋ مادەنيەتىن دامىتۋ، قازاقتىڭ ۇلتتىق مادەنيەتى مەن ونەرىنە، ادەبيەتى مەن تىلىنە دەگەن ىقىلاسىن ارتتىرۋ.
كورەرمەندەر مەن قۇرمەتتى قوناق رەتىندە مەملەكەتتىك مەكەمەلەردىڭ رەسمي وكىلدەرى، زيالى قاۋىم، عالىمدار مەن اقىن-جازۋشىلار، ونەر قايراتكەرلەرى، قوعامدىق ۇيىمداردىڭ جەتەكشىلەرى، ب ا ق وكىلدەرى، ادەبيەت سۇيەر قاۋىم، ستۋدەنتتەر مەن وقۋشىلار شاقىرىلدى.
بايقاۋعا الماتى قالاسىنىڭ ءار اۋدانىنان 15-30 جاس ارالىعىنداعى 2 تالاپكەر قاتىستى.
بايقاۋ ءۇش كەزەڭنەن تۇردى: پروزالىق شىعارمادان ءۇزىندى وقۋ، درامالىق شىعارمادان ءۇزىندى وقۋ جانە پوەزيالىق شىعارمانى (ولەڭ) وقۋ. قازىلار القاسىنىڭ قۇرامىندا بەلگىلى ادەبيەتشى عالىمدار، اقىن-جازۋشىلار، ونەر قايراتكەرلەرى جانە قوعامدىق ۇيىمداردىڭ وكىلدەرى بولدى.
بايقاۋ ناتيجەسىندە م. بازاربايەۆ اتىنداعى №138 گيمنازياسىنىڭ ءمۇعالىمى قۋاندىق زاكەنوۆ باس جۇلدەنى يەلەنسە، ءال-فارابي اتىنداعى №145 مەكتەپ-گيمنازياسىنىڭ ءمۇعالىمى نۇرتۋعان ءماجيت 1-ورىندى، №13 مەكتەپ-گيمنازياسىنىڭ ءمۇعالىمى رامازان دوسانوۆ 2-ورىندى، №206 مەكتەپ-گيمنازياسىنىڭ وقۋشىسى فاريزا وڭعارباي 3-ورىندى جەڭىپ الدى. سونداي-اق، №172 مەكتەپ-گيمنازياسىنىڭ 10-سىنىپ وقۋشىسى جىبەك بەيسەن «كورەرمەن كوزايىمى»، قازاق ۇلتتىق قىزدار پەداگوگيكالىق ۋنيۆەرسيتەتىنىڭ 3-كۋرس ستۋدەنتى جۇلدىز سەرىكباي «سۇلۋ ءسوزدىڭ سۇلەيى» نوميناسيالارىمەن ماراپاتتالدى. ال №148 مەكتەپ-گيمنازياسىنىڭ وقۋشىسى الۋا امانباي مەن قازاق ۇلتتىق قىزدار پەداگوگيكالىق ۋنيۆەرسيتەتىنىڭ 1-كۋرس ستۋدەنتى جاقسىگۇل ورىنباي ىنتالاندىرۋ سىيلىقتارىنا يە بولدى.