سەبەبى، سۋ ۇنەمدەيتىن جۇيەلەرگە كوشكەن شارۋالار ءۇشىن سۋبسيديا مولشەرى 85%-عا دەيىن ۇلعايتىلدى، دەپ حابارلايدى aqshamnews.kz سالا مينيسترلىگىنە سىلتەمە جاساپ.
«بۇل شارۋالاردى سۋ ۇنەمدەۋ تەحنولوگيالارىن بەلسەندى ەنگىزۋگە ىنتالاندىرۋعا باعىتتالعان شارا. قازىرگى زامانعى سۋارۋ جۇيەلەرىنە كوشۋ شامامەن 20-30% سۋ ۇنەمدەۋگە جانە 2030 جىلعا قاراي ەلىمىزدەگى ەگىس القاپتارىن 1،3 ملن گەكتارعا دەيىن ۇلعايتۋعا مۇمكىندىك بەرەدى»،- دەدى سۋ رەسۋرستارى جانە يرريگاسيا مينيسترلىگىنىڭ سۋدى ۇنەمدەۋ تەحنولوگيالارىن دامىتۋ دەپارتامەنتىنىڭ ديرەكتورى بەرىكبول ماندىبايەۆ.
ەسكە سالا كەتەيىك، سۋ رەسۋرستارى جانە يرريگاسيا مينيسترلىگى 2024-2026 جىلدارعا ارنالعان سۋ ۇنەمدەۋدىڭ جول كارتاسىن ازىرلەدى. قۇجات سۋ زاڭناماسىن جەتىلدىرۋ، سۋ سالاسىن سيفرلاندىرۋ، سۋدى ەسەپكە الۋ مەن سۋ ۇنەمدەۋدىڭ زاماناۋي تەحنولوگيالارىن ەنگىزۋ جونىندەگى ءىس-شارالاردى كوزدەيدى.
سونداي-اق، بيىل شارۋالار ءۇشىن ۇڭعىمالاردى بۇرعىلاۋ جانە سۋ ۇنەمدەۋ جۇيەلەرىن ساتىپ الۋعا جانە ورناتۋعا جۇمساعان شىعىندارىن سۋبسيديالاۋ مولشەرى 50%-دان 80%-عا دەيىن ۇلعايتىلدى.
وبلىستىق اكىمدىكتەرگە سۋ ۇنەمدەۋ تەحنولوگيالارىن ەنگىزۋ بويىنشا ناقتى تاپسىرمالار بەرىلدى. ەگىس القاپتارىندا زاماناۋي جۇيەلەردى ەنگىزۋ بويىنشا 2030 جىلعا دەيىنگى ماستەر-جوسپار دايىندالدى جانە بەكىتىلدى.