امەريكالىق عالىمدار سابىن، جۋعىش زاتتار مەن وپا-دالاپوندىرىسىندە قولدانۋ ءۇشىن بيولوگيالىق تۇرعىدان ىدىرايتىن پوليمەرلەردەن پلاستماسسا ميكروبولشەكتەرىن ءوندىرۋدىڭ بىرەگەي ءادىسىن ويلاپ تاپتى.
بۇل تۋرالى islam.kz پورتالى ماسساچۋسەت تەحنولوگيالىق ينستيتۋتىنىڭ (MIT) باسپا ءسوز قىزمەتىنە سىلتەمە جاساي وتىرىپ ءمالىم ەتەدى.
پلاستيكتەن جاسالعان سابىن مەن جۋعىش زاتتاردىڭ ەكولوگيالىق تيىمدىلىگى جوعارى - قورشاعان ورتاعا تاپ بولعان كەزدە مۇنداي ونىمدەردى ميكروبتار تەز جويادى. وسىلايشا، عالىمدار پلانەتانى جيناقتالعان پلاستيكالىق قوقىستاردان تازارتۋ، سونداي-اق، ۇقساس قوقىستاردىڭ پايدا بولۋىنا جول بەرمەيتىن، وڭاي جويىلاتىن ماتەريالداردى جاساۋ سياقتى ەكى كوكەيتەستى ەكولوگيالىق ماسەلەنى بىردەن شەشەدى. بيولوگيالىق تۇرعىدان ىدىرايتىن پوليمەردەن، سونىمەن قاتار، ادامنىڭ تەرىسىنە جانە باسقا دەنە تىندەرىنە دارۋمەندەر مەن قورەكتىك زاتتاردى جەتكىزە الاتىن ميكروبولشەكتەر جاسالاتىن بولادى.