رىباكينا ءسۇرىندى
قازاقستاندىق تەننيسشى ەلەنا رىباكينا توكيو وليمپياداسىنىڭ جارتىلاي فينالىندا تىزە بۇكتى، دەپ حابارلايدى Almaty-akshamy.kz. Olympic.kz-كە سىلتەمە جاساپ.
توكيو وليمپياداسىنىڭ جارتىلاي فينالىندا ول الەمدىك رەيتينگتە 12ء-شى ورىندا تۇرعان شۆەيساريالىق بەليندا بەنچيچپەن كەزدەسكەن بولاتىن.
كەزدەسۋ 2 ساعات 44 مينۋتقا سوزىلىپ، بەنچيچ 7:6، 4:6، 6:3 ەسەبىمەن جەڭىسكە جەتتى.
كەلەسى كەزەكتە ەلەنا رىباكينا وليمپيادانىڭ قولا جۇلدەسىنە تالاسادى. ونىڭ قارسىلاسى ەلينا سۆيتولينا (ۋكراينا) جانە ماركەتا ۆاندورۋشوۆا (چەحيا) اراسىنداعى ماچتان سوڭ انىقتالادى.