ەكپە ىندەتتىڭ كۇردەلى كەزەڭىنەن وتۋگە كومەكتەسەدى.
الماتى قالاسىنىڭ باس سانيتارلىق دارىگەرى جانداربەك بەكشين وڭىرلىك كوممۋنيكاسيالار قىزمەتىندە وتكەن بريفينگتە مەگاپوليسكە قاتىستى ەپيدەميولوگيالىق احۋالدىڭ ناشارلاۋى تۋرالى ايتتى. COVID-19 دەرتىنىڭ كەزەكتى ءتورتىنشى تولقىنى تامىز ايىنىڭ ورتاسىنا، قىركۇيەكتىڭ باسىندا تومەندەيدى دەپ كۇتىلۋدە، دەپ حابارلايدى Almaty-akshamy.kz.
جانداربەك بەكشيننىڭ ايتۋىنشا، ۆاكسينا ىندەتتىڭ كۇردەلى كەزەڭىنەن وتۋگە كومەكتەسەدى. سونداي-اق الماتىدا اعزانى ىندەتتەن قورعايتىن تولىق ۆاكسينا جەلىسى بار.
«سوڭعى اپتادا كوروناۆيرۋسقا قاتىستى ەپيدەميولوگيالىق احۋال ۋشىعۋدا. وتكەن اپتانى الدىڭعىمەن سالىستىرعاندا كۆي جاعدايىنىڭ تىركەلۋى 1،4 ەسەگە – 5 790-نان 8 393 جاعدايعا دەيىن ءوستى، تاۋلىكتىك ءوسىم 1،5%-دى قۇرادى. 23 شىلدەدەن باستاپ كۆي-دىڭ كۇندەلىكتى تىركەۋى 1 مىڭنان استى جانە ءقازىردىڭ وزىندە 1 450ء-دى قۇرايدى. وسى ايدا الماتىدا 20 818 ناۋقاس انىقتالدى، ال جىل باسىنان بەرى 76 603 ناۋقاس تىركەلدى»، – دەدى مەگاپوليستىڭ باس سانيتارلىق دارىگەرى.
جانداربەك بەكشيننىڭ ايتۋىنشا، شىلدەدەگى ەپيدەميولوگيالىق جاعدايدىڭ ناقتى بولجامى 27،5 مىڭ، ال ءىس جۇزىندە 2 مىڭ جاعدايدى قۇرايدى.
«الماتىدا COVID-19 كەزەكتى ءتورتىنشى تولقىنى تامىز ايىنىڭ ورتاسىندا - قىركۇيەك ايىنىڭ باسىندا تومەندەيدى دەپ كۇتىلۋدە. تامىز ايىندا 34،5 مىڭ جاعداي، قىركۇيەكتە 4،5 مىڭ جاعداي بولادى دەپ بولجانۋدا. 7 كۇن ىشىندە «سيمپتومدىق» ناۋقاستاردىڭ ۇلەس سالماعىنىڭ ارتۋى 89،4-تەن 90،7%-عا دەيىن جالعاستى، بۇل سOVID-19 اينالىمداعى قوزدىرعىشتارى اراسىندا "دەلتا" نۇسقاسىنىڭ تارالۋ شەگىنە جەتكەنىن كورسەتەدى»، –دەدى جانداربەك بەكشين.