29 جاسار ازاماتشا زەينەتكەرلەردى قورقىتىپ، زورلىق كورسەتكەن.
الماتى پوليسەيلەرى تۋعان اتا-اجەسىنە زورلىق كورسەتكەن ازاماتشانى سوتقا جەتكىزدى، اكىمشىلىك سوت وعان ەسكەرتۋ جاسادى، دەپ حابارلايدى Almaty-akshamy.kz.
پوليسيا ماماندارىنىڭ ايتۋىنشا، بىرنەشە ايدان بەرى الماتى قالاسىنىڭ ناۋرىزباي اۋدانىندا تۇراتىن زەينەتكەرلەر تۋعان نەمەرەسىنەن زورلىق كورۋدە. 1992 جىلى تۋعان س.ەسىمدى ازاماتشا، بۇكىل وتباسىن ۇرەيدە ۇستاپ وتىر.
«2021 جىلى 28 مامىردا ناۋرىزباي اۋدانىنىڭ پب-نا 1943 جىلى تۋعان س.ەسىمدى ازاماتتان اناسىنىڭ اتا-اناسىنا قارسى قول كوتەرەتىنى تۋرالى شاعىم كەلىپ ءتۇستى. اجەسى سونىمەن قاتار، جانجال كەزىندە نەمەرەسى ولاردى ۇيدەن قۋىپ شىعاتىنى، توبەلەس شىعاراتىنى، ۇيدەگى مۇلىكتەردى سىندىراتىندىعى، وگەي باۋىرىنا تۇرمەگە جابامىن دەپ قورقىتاتىندىعى تۋرالى ايتتى»، - دەيدى ناۋرىزباي اۋداندىق پوليسيا باسقارماسىنىڭ باستىعى، پوليسيا پودپولكوۆنيگى ديدار احانوۆ.
وسى جىلدىڭ 2 ماۋسىم كۇنى 1992 جىلعى س.ەسىمدى ازاماتشاعا 1943 جىلى تۋعان س.ەسىمدى ازاماتشانىڭ قاۋىپسىزدىگىنە قاتىستى بۇيرىق شىعارىلدى. الايدا ول تانىسقانى تۋرالى قول قويۋدان باس تارتتى، وسىعان وراي اكت تولتىرىلدى.
قۇقىق بۇزۋشى اكىمشىلىك سوتقا كەلۋدەن بىرنەشە رەت باس تارتقاننان كەيىن، ونى پوليسيا قىزمەتكەرلەرى اكىمشىلىك ماتەريالدى قاراۋ ءۇشىن سوتقا ماجبۇرلەپ جەتكىزگەن.
«بۇل ماتەريال 2021 جىلدىڭ 28 شىلدەسىندە الماتى قالاسىنىڭ ءمااس-دا قارالدى جانە ەسكەرتۋ تۇرىندە اكىمشىلىك شارا قولدانىلدى. پوليسيا قىزمەتكەرلەرى زالىم ايەلدىڭ جاقىن تۋىستارىنا قاتىستى زورلىق-زومبىلىقتىڭ الدىن الۋ ءۇشىن بۇل مەكەنجايعا كۇن سايىن كەلىپ تۇراتىن بولادى»، – دەلىنگەن الماتى قالالىق پوليسيا دەپارتامەنتى باسپا ءسوز قىزمەتىنىڭ حابارلاماسىندا.