ق ر ىشكى ىستەر مينيسترلىگى قازاقستان ازاماتىنىڭ پاسپورتىن، جەكە كۋالىگىن، شەتەلدىكتىڭ قازاقستاندا تۇرۋىنا ىقتيارحاتتى، ازاماتتىعى جوق ادامنىڭ كۋالىگىن جانە جول ءجۇرۋ قۇجاتىن رەسىمدەۋ، بەرۋ، اۋىستىرۋ، تاپسىرۋ، الىپ قويۋ جانە جويۋ قاعيدالارىن بەكىتۋ تۋرالى جاڭا قاعيدالارىن ازىرلەدى، دەپ حابارلايدى Almaty-akshamy.kz.
قازاقستاننىڭ ۋاكىلەتتى مەملەكەتتىك ورگانى بەرەتىن جەكە باستى كۋالاندىراتىن قۇجاتتار مەملەكەتتىڭ مەنشىگى بولىپ تابىلادى جانە مىناداي دەرەكتەردى:
1) تەگىن، اتىن، اكەسىنىڭ اتىن (ول بولعان جاعدايدا)؛
2) تۋعان كۇنىن، ايىن، جىلىن جانە جەرىن؛
3) جىنىسىن؛
4) قاي ۇلتقا جاتاتىنىن - وسى قاعيدالاردىڭ 2-تارماعىنىڭ 4)، 5) تارماقشالارىندا كورسەتىلگەن جەكە باستى كۋالاندىراتىن قۇجاتتاردا يەسىنىڭ قالاۋى بويىنشا؛
5) ازاماتتىعىن؛
6) فوتوسۋرەتىن؛
7) قۇجاتتى بەرگەن ورگاننىڭ اتاۋىن؛
8) قۇجاتتىڭ بەرىلگەن كۇنىن، ايىن، جىلىن، ءنومىرىن، قولدانىلۋ مەرزىمىن؛
9) قۇجاتتار يەسىنىڭ قولىن؛
10) جەكە سايكەستەندىرۋ ءنومىرىن (بوسقىننىڭ كۋالىگىن قوسپاعاندا)؛
11) ون التى جاسقا تولعان جانە ودان اسقان، سونداي-اق «داكتيلوسكوپيالىق جانە گەنومدىق تىركەۋ تۋرالى» 2016 جىلعى 30 جەلتوقسانداعى قازاقستان زاڭىمەن بەلگىلەنگەن جاعدايلاردا ون ەكى جاستان باستاپ ون التى جاسقا دەيىنگى قۇجات يەسىنىڭ قول ساۋساقتارىنىڭ ىزدەرىن قامتيدى.
جەكە باستى كۋالاندىراتىن قۇجاتتاردى رەسىمدەۋ سەبەبىنە قاراماستان، قۇجاتتالاتىن (ون ءتورت جاسقا تولعان) ادامداردىڭ تۇراقتى تىركەلگەنىن راستاۋدى ۋاكىلەتتى ورگان اقپاراتتىق جۇيەلەر ارقىلى الادى.
شەتەلدىكتىڭ قازاقستاندا تۇرۋىنا ىقتيارحاتتى، ازاماتتىعى جوق ادامنىڭ كۋالىگىن قۇجاتتاندىرىلاتىن ادام تۇراقتى تىركەلگەن جەردەگى ۋاكىلەتتى مەملەكەتتىك ورگان بەرەدى.
جول ءجۇرۋ قۇجاتىن قۇجاتتاندىرىلاتىن ادام ەسەپكە الىنعان جەردەگى ۋاكىلەتتى مەملەكەتتىك ورگان قۇجاتتى الۋعا ءوتىنىم بەرىلگەن كۇننەن باستاپ ون جەتى جۇمىس كۇنىنەن كەشىكتىرىلمەيتىن مەرزىمدە بەرەدى جانە ول يەسىنىڭ وزىنە نەمەسە ونىڭ زاڭدى وكىلىنە تابىس ەتىلەدى.
قازاقستان ازاماتىنىڭ پاسپورتى، جەكە كۋالىگى رەسىمدەلگەن كۇننەن باستاپ جەدەلدەتىلگەن تارتىپپەن استانا، الماتى، اقتوبە، شىمكەنت قالالارىندا - ءبىر جۇمىس كۇنىنە دەيىن، وبلىس ورتالىقتارىندا - ءۇش جۇمىس كۇنىنە دەيىن، وبلىستاردىڭ اۋداندارى مەن قالالارىندا – جەتى جۇمىس كۇنىنە دەيىن بەرىلەدى.
قازاقستان ازاماتتارىنىڭ قالاۋى بويىنشا جەكە باستى كۋالاندىراتىن قۇجاتتار دا جەدەلدەتىلگەن تارتىپپەن رەسىمدەلگەن كۇنىنەن باستاپ ءۇش جۇمىس كۇنىنە دەيىن (استانا، الماتى، اقتوبە، شىمكەنت قالالارىندا) جانە بەس جۇمىس كۇنىنە دەيىن (وبلىس ورتالىقتارىندا) بەرىلەدى.
جەكە باستى كۋالاندىراتىن قۇجاتتى جەدەلدەتىلگەن تۇردە بەرگەنى ءۇشىن تولەم بانك مەكەمەلەرى جانە كاسسالىق وپەراسيالاردى جۇزەگە اسىراتىن وزگە دە ۇيىمدار ارقىلى جۇرگىزىلەدى.
حقت تپ ارقىلى نەمەسە فورمۋليار بلانكىندە جەكە باستى كۋالاندىراتىن قۇجاتتى رەسىمدەگەن كەزدە ۋاكىلەتتى ورگاننىڭ قىزمەتكەرى قازاقستان زاڭناماسىمەن بەلگىلەنگەن تارتىپپەن قازاقستان ازاماتتارىن، شەتەلدىكتەر مەن ازاماتتىعى جوق ادامداردى داكتيلوسكوپيالىق تىركەۋدەن وتكىزەدى.
قازاقستان ازاماتىنىڭ پاسپورتىن ۋاكىلەتتى مەملەكەتتىك ورگان حقت تپ پايدالانا وتىرىپ، سونداي-اق بلانكىلەردىڭ فورمۋليارلارىندا رەسىمدەيدى. قازاقستاننىڭ مىنا ازاماتتارىنا:
1) قازاقستان رەسپۋبليكاسىنان تىس جەرلەردە تۇراقتى تۇراتىندارعا؛
2) شەت مەملەكەتتەردىڭ اۋماعىندا ورنالاسقان وقۋ ورىندارىندا ءبىلىم الاتىندارعا؛
3) شەت مەملەكەتتەردە ەڭبەك شارتى بويىنشا جۇمىس ىستەيتىندەرگە؛
4) قازاقستان رەسپۋبليكاسىنان تىس جەرلەردە تۋعان جاعدايدا كامەلەتكە تولماعاندارعا؛
5) كورسەتىلگەن ادامدارمەن بىرگە تۇراتىن وتباسى مۇشەلەرىنە؛
6) قازاقستان رەسپۋبليكاسىنان تىس جەرلەردە تۇراتىن شەتەلدىكتىڭ وتباسى مۇشەلەرى بولىپ تابىلاتىندارعا؛
7) شەتەلدەگى ديپلوماتيالىق قىزمەت پەرسونالىمەن بىرگە تۇراتىن ديپلوماتيالىق قىزمەت پەرسونالىنىڭ تۋىستارىنا؛
8) جاسىنىڭ ەگدە تارتۋىنا بايلانىستى وزىنە-وزى كۇتىم جاساۋعا قابىلەتسىز ادامدارعا (قارتتار) جانە ورگانيزم فۋنكسيالارى بۇزىلىپ، تۇرمىس-تىرشىلىگىن شەكتەيتىندەي تۇراقتى دەنساۋلىعى ناشارلاعان ادامدارعا، سونداي-اق وزىنە-وزى قىزمەت كورسەتە المايتىن جاقىن تۋىستارىن كۇتۋدى جۇزەگە اسىراتىن ادامدارعا؛
9) شەت مەملەكەتتىڭ اۋماعىندا ۇستالعاندارعا نەمەسە كۇزەتپەن ۇستالاتىندارعا، قاماۋعا الىناتىندارعا، سونداي-اق پەنيتەنسيارلىق مەكەمەلەردە جازاسىن وتەۋشىلەرگە قازاقستان ازاماتىنىڭ پاسپورتى قازاقستاننىڭ شەتەلدىك مەكەمەلەرى ارقىلى رەسىمدەلەدى.
9. ق ر ازاماتىنىڭ پاسپورتىن تولتىرعان كەزدە تەگى، اتى، اكەسىنىڭ اتى (ول بولعان جاعدايدا) جانە باسقا دا دەرەكتەر قازاقستان زاڭدارىندا جانە قازاقستان پرەزيدەنتىنىڭ اكتىلەرىندە كوزدەلگەن جاعدايلاردى قوسپاعاندا، ولاردى بەرۋ ءۇشىن نەگىز بولعان قۇجاتقا سايكەس جازىلادى.
10. ق ر ازاماتىنىڭ پاسپورتى قازاق تىلىندە نەمەسە يەسىنىڭ قالاۋى بويىنشا ورىس تىلىندە، سونداي-اق اعىلشىن تىلىندە تولتىرىلادى.
11. ق ر ازاماتىنىڭ پاسپورتى قازاقستان ازاماتتارىنا جاسىنا قاراماستان، ولاردىڭ قالاۋى بويىنشا بەرىلەدى جانە قازاقستان رەسپۋبليكاسىنىڭ اۋماعىندا جانە ودان تىس جەرلەردە قازاقستان رەسپۋبليكاسى ازاماتىنىڭ جەكە باسىن كۋالاندىرادى.
12. ق ر ازاماتىنىڭ پاسپورتى قولدانىلۋ مەرزىمى ون جىلعا بەرىلەدى.