قازاقستان مەن قحر اۆتوتاسىمالدارعا رۇقسات بەرۋ بويىنشا شەكتەۋسىز جۇيەگە كوشۋگە كەلىستى، دەپ حابارلايدى aqshamnews.kz
بۇل تۋرالى قوس تاراپتىڭ قۇزىرلى مينيسترلىكتەرى وكىلدەرىنىڭ كەزدەسۋىنەن كەيىن بەلگىلى بولدى. 6-12 قاراشا ارالىعىندا جۇڭگو تاراپى قازاقستانعا 15 مىڭ رۇقسات بلانكىلەرىن بەرەدى. وسىلايشا جەتى كۇننىڭ قورىتىندىسى بويىنشا قازاقستاندىق تاسىمالداۋشىلاردىڭ تاۋلىكتىك ناقتى قاجەتتىلىگى ايقىندالادى. الىنعان دەرەكتەردىڭ نەگىزىندە بولاشاقتا رۇقسات بلانكىلەرى كۇن سايىن بەرىلەتىن بولادى. كولىك مينيسترلىگىنىڭ مالىمەتىنشە، 2026 جىلدان باستاپ رۇقسات بلانكىلەرىن ساندىق شەكتەۋسىز تۇردە بەرۋ جۇيەسىنە كوشۋ جوسپارلانىپ وتىر. وسىلايشا قىتايعا ەلەكتروندى كەزەك جۇيەسى ارقىلى كىرەتىن بارلىق كولىك قۇرالدارىنا، قحر زاڭناماسىن بۇرىن بۇزباعان جاعدايدا، رۇقساتتار اۆتوماتتى تۇردە بەرىلەتىن بولادى.