ءىىم ەل اۋماعىنا كىرۋگە شەكتەۋ قانداي جاعدايلاردا قولدانىلاتىنىن ءتۇسىندىردى، دەپ حابارلايدى aqshamnews.kz
مينيسترلىكتىڭ مالىمەتىنشە، تەكسەرۋ ءىس-شارالارى كەزىندە كوشى-قون پوليسياسى قىزمەتكەرلەرى شەتەل ازاماتتارىنىڭ ەل قاۋىپسىزدىگىنە ىقتيمال قاتەر ءتوندىرۋى مۇمكىن ءمان-جايلارعا نازار اۋدارادى.
اتاپ ايتقاندا، قازاقستانعا كىرۋگە تىيىم سالىنۋى مۇمكىن جاعدايلار:
ەل زاڭناماسىن بىرنەشە رەت بۇزۋ، ونىڭ ىشىندە اكىمشىلىك نەمەسە قىلمىستىق قۇقىقبۇزۋشىلىقتار جاساۋ؛
ادامنىڭ ەكسترەميستىك نەمەسە تەرروريستىك قىزمەتكە قاتىستىلىعى تۋرالى مالىمەتتەردىڭ بولۋى؛
قوعامدىق ءتارتىپتى، ۇلتارالىق كەلىسىمدى نەمەسە كونستيتۋسيالىق قۇرىلىستى بۇزۋعا باعىتتالعان ارەكەتتەرگە قاتىسۋ.
شەتەل ازاماتتارىن ەلگە كىرگىزبەۋ تۋرالى شەشىم "حالىقتىڭ كوشى-قونى تۋرالى" ق ر زاڭىنىڭ 48-بابىنا سايكەس قابىلدانادى.
ءىىم دەرەكتەرى بويىنشا، 2025 جىلدىڭ ون ايىندا ىشكى ىستەر ورگاندارىنىڭ قىزمەتكەرلەرى:
ەلدەن 14 مىڭنان استام شەتەل ازاماتىن شىعارىپ جىبەرگەن؛
شامامەن 17 مىڭ ادامنىڭ ەلدە بولۋ مەرزىمىن قىسقارتقان.