ەرەكشە اۋماقتاردى ورتتەن ساقتاۋ، قورعاۋ جۇمىستارىنا 20 ملرد تەڭگەدەن استام قاراجات ءبولۋ جانە ءورتتى باقىلايتىن 102 مۇنارا سالۋ جوسپارلانۋدا، دەپ حابارلايدى Almaty-akshamy.kz.
«حالىق ءجيى كوتەرەتىن جانە ۇكىمەتكە تىكەلەي جولدانعان وتىنىشتەردىڭ ماسەلە – ەكولوگيا. ايماقتار بويىنشا ەكولوگيالىق جاعدايدى جاقسارتۋ بويىنشا جول كارتاسى ازىرلەنىپ، جۇزەگە اسىرىلۋدا. بۇل دەگەنىمىز ءوندىرىستى جاڭعىرتۋ، ەلدى مەكەندەردى گازبەن قامتاماسىز ەتۋ، قوعامدىق كولىكتەردى گازعا كوشىرۋ، قالالاردى كوگالداندىرۋ، تالايدان بەرى لاستانىپ جاتقان جەرلەردى تازالاۋ سياقتى شارالاردى قامتيدى»، - دەدى ق ر پرەمەر-مينيسترىنىڭ ورىنباسارى تامارا دۇيسەنوۆا ءماجىلىس وتىرىسىندا.
ونىڭ ايتۋىنشا، ازاماتتىق قورعانىس سالاسىندا 2023-2027 جىلدارعا ارنالعان كەشەندى جوسپارى بەكىتىلدى.
«ۇلىتاۋ وبلىسىنىڭ ەكولوگيالىق احۋالىن زەردەلەۋ ءۇشىن ارنايى كوميسسيا قۇرىلدى. اۋادان، توپىراق پەن سۋدان سىناما الىنىپ، تەكسەرىلۋدە. وعان قوسا ايماقتىڭ رادياسيالىق احۋالىنا باعالاۋ جۇمىستارى جۇرگىزىلۋدە. ازاماتتىق قورعانىس سالاسىنداعى 2023-2027 جىلدارعا ارنالعان كەشەندى جوسپار شەڭبەرىندە ەرەكشە قورعالاتىن تابيعي اۋماقتاردا ورمان ورتتەرىن ەرتە انىقتاۋ جۇيەسىن ورناتۋ كوزدەلگەن. وسى ماقساتقا 2027 جىلعا دەيىن 20 ملرد تەڭگەدەن استام قاراجات ءبولۋ جانە ءورتتى باقىلايتىن 102 مۇنارا سالۋ جوسپارلانۋدا»، -دەيدى ول.