تيبەت تاۋلارىندا قار كوشكىنى سالدارىنان ەكى الپينيست قازا تاپتى، - دەپ حابارلايدى اlmaty-akshamy.kz "سينحۋا" اگەنتتىگىنە سىلتەمە جاساپ.
اگەنتتىك مالىمەتىنشە، 7 قازاندا قىتايدىڭ تيبەت اۆتونوميالىق اۋدانىنداعى شيگادزە ۋەزىنىڭ تەرريتورياسىندا ورنالاسقان شيشابانگما تاۋىنىڭ شىڭىنان قار كوشكىنى جۇرگەن.
"ەكى الپينيست قازا تاپتى، ەكەۋى ءىز-تۇسسىز جوعالىپ كەتتى، تاعى بىرەۋى اۋىر جاراقات الدى. قۇتقارۋ جۇمىستارى ءجۇرىپ جاتىر"، - دەلىنگەن حابارلامادا.
اگەنتتىك مالىمەتىنشە، قازا تاپقانداردىڭ ءبىرى اقش ازاماتى، ەكىنشىسى - نەپالدان.
قار كوشكىنى تەڭىز دەڭگەيىنەن 7،6 مىڭ جانە 8 مىڭ مەتر بيىكتىكتە جۇرگەن.
ايتا كەتەيىك، الپينيستەر گيمالايعا شىعۋ ءۇشىن قازان ايىن كوپ تاڭدايدى. الايدا عالىمدار جاھاندىق جىلىنۋ بيىكتاۋلى ايماقتاردا قار كوشكىنى ءجۇرۋ ءقاۋىپىن كۇشەيتەتىنىن ايتادى.