تۋريستەردى تارتۋدىڭ جاڭا نۇكتەسى عارىش ستانسياسىنا بارار جولدا تەڭىز دەڭگەيىنەن 2500 م بيىكتىكتە ورنالاسقان (2GIS سىلتەمەسى) بەلگىلى شىڭدارعا جاقىن: «جارتاستى» شىڭى (3332 م)، «كروشكا» شىڭى (3722 م)، «سوۆەتوۆ» شىڭى (4317 م)، «وزەرنىي» شىڭى (4126 م).
كەمپينگ–ايماعى – تاۋداعى دەمالىس، ترەكينگ، حايكينگ جانە شاتىرمەن ۇزاق سەرۋەندەۋ اۋەسقويلارى ءۇشىن جابدىقتالعان الاڭ. تۋريستەردىڭ جايلى جانە ءقاۋىپسىز دەمالىسى ءۇشىن شاتىرلى ورىندار، جايلى بەسەدكالار، ورىندىقتارى بار ۇستەلدەر جانە ۇلتتىق ستيلدەگى «التىباقان» اتكەنشەكتەرى ورناتىلدى، دەپ حابارلايدى اlmaty-akshamy.kz.
«ءبىز تاۋ ينفراقۇرىلىمىن دامىتۋعا ەرەكشە نازار اۋدارا وتىرىپ، تۋريستەر ءۇشىن جاڭا باعىتتار قۇرۋ بويىنشا جۇمىس ىستەپ جاتىرمىز. باعىتتار بويى اقپاراتتىق ستەندتەر، كورسەتكىشتەر، قالقاندار ورناتىلدى. ناۆيگاسيالىق ستەندتەردە QR-كودتار بار، وندا تۋريستەر باعىتتىڭ كۇردەلىلىگىمەن، ونىڭ ۇزاقتىعىمەن جانە ءوتۋ ۋاقىتىمەن تانىسا الادى. الماتى قالاسى تۋريزم باسقارماسىنىڭ باسشىسى عاليا توقسەيىتوۆا كەمپينگ-ايماقتار تۋرالى اقپارات 2GIS قوسا العاندا، كارتوگرافيالىق پلاتفورمالارعا قوسىلدى، – دەپ اتاپ كورسەتتى.
جاڭا كەمپينگ-ايماق سوڭعى جىلدارى الماتى قالاسى تۋريزم باسقارماسى اشقان ونىنشى ورىن بولدى. ەستەرىڭىزگە سالا كەتەيىك، بيىل جازدا تۋريستىك ينفراقۇرىلىمدى دامىتۋ اياسىندا «اقبۇلاق» جانە «مىڭجىلقى» كەمپينگ-ايماقتارى قۇرىلدى.
الماتى قالاسىنىڭ تۋريزم باسقارماسى دەمالۋشىلاردان تابيعاتقا ۇقىپتى قاراۋدى، تاۋدا قوقىس قالدىرماۋدى سۇرايدى، سونداي-اق تاۋ جورىقتارى كەزىندە قاۋىپسىزدىك ەرەجەلەرىنىڭ ساقتالۋىن ەسكە سالادى:
-
تاۋلارعا بارا جاتقاندا، ءوز باعىتتارىڭىز بويىنشا جاقىندارىڭىزعا حابارلاۋ قاجەت
-
اۋا-رايىنا ساي كيىنىپ، تەرىڭىزدى كۇن ساۋلەسىنەن قورعاڭىز. وزىڭىزبەن بىرگە قاجەتتى قۇرال-جابدىقتار، باس كيىم، سۋ، تاماقتانۋ جانە ءپورتاتيۆتى زاريادتاعىشپەن زاريادتالعان تەلەفون الىڭىز
-
جولدان شىقپاڭىز
-
قۇتقارۋ قىزمەتىنىڭ SMS ەسكەرتۋلەرىن ەسىڭىزدەن شىعارماڭىز