بەلگىلى ءبىر سەبەپتەرگە بايلانىستى تابىستان ايىرىلعانىڭىزدى نەمەسە وتباسىندا كىرىس ازايعانىن ءتيىستى قۇجاتپەن راستاي الساڭىز، نەسيە تولەمىن كەيىنگە شەگەرتە الاسىز، دەپ حابارلايدى aqshamnews.kz
ەگەر ءسىز:
الەۋمەتتىك وسال توپتاعى ازامات بولساڭىز؛
توتەنشە جاعدايدان زارداپ شەكسەڭىز؛
كاسىپكەر بولساڭىز — بۇل جاڭا ەرەجە سىزگە قاتىستى.
جەڭىلدىك قانداي جاعدايدا جاسالادى؟
بەلگىلى ءبىر سەبەپتەرگە بايلانىستى تابىستان ايىرىلعانىڭىزدى نەمەسە وتباسىندا كىرىس ازايعانىن ءتيىستى قۇجاتپەن راستاي الساڭىز، نەسيە تولەمىن كەيىنگە شەگەرتە الاسىز. ول كەزدە اي سايىنعى تولەمدى 3 ايعا دەيىن كەيىنگە قالدىرۋعا بولادى.
نە ىستەۋ كەرەك؟
ءيا، جاڭا ءتارتىپتىڭ ءوز شارتى بار. قارىز يەسى ارنايى بەكىتىلگەن فورمادا ءوتىنىش جازىپ، تۇرمىس جاعدايىنىڭ قيىنداعانىن راستايتىن قۇجاتتارىن تاپسىرۋى كەرەك. ال بانك نەمەسە ميكروقارجى ۇيىمى ونى 15 كۇن ىشىندە قاراۋعا ءتيىس.
بۇعان دەيىن ەلىمىزدە نەسيە تولەمىن كەيىنگە شەگەرۋ تۋرالى ناقتى ءارى مىندەتتى مۇنداي ءتارتىپ بولماعان. تۇتىنۋشىلار بانككە نەمەسە ميكروقارجى ۇيىمىنا جاعدايىن ايتىپ ءوتىنىش بەرگەنىمەن، شەشىم شىعارۋ — ۇيىم قۇزىرەتىندە بولدى. ەندى جاڭا تالاپقا ساي، ءوتىنىشىڭىز ۋاقىتىلى قارالماسا، جاۋاپتى مەكەمەلەرگە شاعىمدانا الاسىز. ەرەجە تامىزدىڭ 31-ىنەن باستاپ كۇشىنە ەنەدى.
ق ر قارجى نارىعىن رەتتەۋ جانە دامىتۋ اگەنتتىگىنىڭ وكىلى عادىلبەك اكىم بىلاي دەيدى:
«نەسيەنى شەگەرگىلەرىڭىز كەلسە الدىن-الا قيمىلداعان ءجون. كوپ سوزباي ومبۋدسمەندەرگە شىعۋ كەرەك. ودان شەشىم بولماي جاتسا، ارينە، قارجى نارىعىن قاداعالاۋ اگەنتتىگىنە رەسمي تۇردە ە-وتىنىش ارقىلى نەمەسە ايماقتىق وكىلدەرگە نەمەسە ورتالىق اپپاراتقا كەلىپ، ارىز جازۋىڭىزعا بولادى.»