ۇلتتىق بانك پەن وقۋ-اعارتۋ مينيسترلىگى مەكتەپ، كوللەدج وقىتۋشىلارىنىڭ قارجىلىق ءبىلىمىن كوتەرمەك، دەپ حابارلايدى aqshamnews.kz
وقۋ-اعارتۋ مينيسترلىگىنىڭ جانىندا «ورلەۋ» بىلىكتىلىكتى ارتتىرۋ ۇلتتىق ورتالىعى بار. سول «ورلەۋ» ترەنەرلەرى الدىمەن ۇلتتىق بانكتىڭ اۋماقتىق فيليال قىزمەتكەرلەرىنە زاماناۋي وقىتۋ ادىستەرىن ۇيرەتەدى.
قىركۇيەكتە مۇعالىمدەر مەن وقۋشىلاردىڭ قارجىلىق ساۋاتىن كوتەرۋگە باعىتتالعان اۋقىمدى جوبا باستالادى. جىل سوڭىنا دەيىن 6 مىڭعا جۋىق پەداگوگ قارجىعا قاتىستى تۇسىنىكتى ءبىر ادامداي مەڭگەرىپ شىققالى وتىر.
بىلىممەن كاسىبي تۇرعىدا «قارۋلانعان» ۇستازدار ءبىزدىڭ بالالارىمىزعا قارجى پيراميداسىنىڭ نە ەكەنىن، الاياققا قالاي الدانباۋدى، اقشانى قالاي باسقارۋدى جاپپاي ۇيرەتۋگە كوشەدى.