الماتى 24 تامىزدا العاش رەت الەمدىك بۇقارالىق ۆەلوسپورتتىڭ استاناسىنا اينالادى. ءدال وسى كۇنى شاھاردا اۋەسقوي ۆەلوسپورت كۇنتىزبەسىندەگى ەڭ بەدەلدى وقيعالاردىڭ ءبىرى – Gran Fondo World Championship وتەدى.
ۇيىمداستىرۋشىلار - قازاقستاندىق ۆەلوسيپەد سپورتى فەدەراسياسى، جەتىسۋ وبلىسىنىڭ ۆەلوسيپەد سپورتى فەدەراسياسى، الماتى اكىمدىگى جانە الماتى قالاسىنىڭ ۆەلوسيپەد سپورتى فەدەراسياسى.
الماتىدا ءتۇرلى ەلدەردەن 500-دەن استام سپورتشى جينالادى دەپ كۇتىلۋدە. جارىستار التى جاس ساناتىندا وتەدى، ال «ابسوليۋتە» جەڭىمپاز Gran Fondo World Tour نۇسقاسى بويىنشا الەم چەمپيونى اتاعىن الادى.
الماتىداعى چەمپيونات باعىتى ىلە الاتاۋىنىڭ تاۋ بوكتەرى مەن اسەم تابيعي پانورامالاردى بىرىكتىرەدى. Gran Fondo ەرەكشەلىگى-بۇل اشىق فورمات: دايىندىق دەڭگەيىنە قاراماستان اركىم قاتىسا الادى.
Gran Fondo تاريحى ءبىر عاسىردان استام ۋاقىت بۇرىن يتاليادا باستالعانىن ەسكە سالامىز. بۇگىندە بۇل فورمات بۇكىل الەم بويىنشا ەۋروپادان افريكاعا، اقش-تان جاڭا زەلاندياعا دەيىن ميلليونداعان ۆەلوسيپەدشىلەردى بىرىكتىرەدى. ەندى وسىناۋ تىزىمگە الماتى دا قوسىلاتىن بولادى.
الماتىداعى Gran Fondo - بۇل سپورت قانا ەمەس، سونىمەن قاتار حالىقارالىق سپورتتىق ءتۋريزمدى دامىتۋ ءۇشىن بىرلىكتىڭ، سالاۋاتتى ءومىر سالتىنىڭ جانە جاڭا مۇمكىندىكتەردىڭ مەرەكەسى.
24 تامىزدا ساعات 04:30-دان 09:30-عا دەيىن ءال-فارابي داڭعىلىنداعى قوزعالىس دوستىق داڭعىلىنان دۋلاتي كوشەسىنە دەيىنگى ۋچاسكەدە شەكتەلەدى. قالا تۇرعىندارىنا مىناداي بالاما مارشرۋتتار ۇسىنىلدى:
- دوستىق داڭعىلى؛
- نازاربايەۆ داڭعىلى؛
- سەيفۋللين داڭعىلى؛
- جاروكوۆ كوشەسى؛
- روزىباكييەۆ كوشەسى؛
- دۋلاتي كوشەسى ءال-فارابي داڭعىلىنا دەيىن؛
- مۇستافين كوشەسى.
الماتىلىقتار مەن قالا قوناقتارىنان قوزعالىستى ۇيىمداستىرۋداعى ۋاقىتشا وزگەرىستەردى ەسكەرۋدى جانە ساپارلاردى الدىن الا جوسپارلاۋدى سۇرايمىز.
شەكتەۋ سىزباسى @AlmatyJoly Telegram-ارناسىندا، اۋدان اكىمدىكتەرىنىڭ الەۋمەتتىك جەلىلەرىندە، سونداي-اق 2gis جانە «ياندەكس كارتالار» سەرۆيستەرىندە جاريالانادى.