بۇل اقپارات جاعىنان اشىق بولۋدى ارتتىرۋمەن قاتار، جاۋاپكەرشىلىكتى دە كۇشەيتەدى.
اقپارات جانە قوعامدىق دامۋ ءمينيسترى دارحان ءقىدىرالى مەملەكەتتىك قىزمەتكەرلەردىڭ جۋرناليستەرگە جاۋاپ بەرۋ مەرزىمى قىسقاراتىنىن مالىمدەدى، دەپ حابارلايدى Almaty-akshamy.kz
"اقپاراتقا قول جەتكىزۋ ماسەلەلەرى جونىندەگى زاڭعا دا تۇزەتۋلەر ازىرلەندى. ۇسىنىلعان وزگەرىستەر ازاماتتاردىڭ اقپاراتقا قول جەتكىزۋ قۇقىعىن زاڭسىز شەكتەگەن مەملەكەتتىك ورگانداردىڭ جاۋاپكەرشىلىگىن كۇشەيتەدى. ەندى ءجۋرناليستىڭ ساۋالىنا جاۋاپ بەرۋ مەرزىمى قىسقارادى. ءقازىر 7 كۇن بولسا، ەندى ول 3-5 كۇن بولىپ قىسقارادى"، - دەدى مينيستر.
ءمينيستردىڭ ايتۋىنشا، بۇل اقپارات جاعىنان اشىق بولۋدى ارتتىرۋمەن قاتار، جاۋاپكەرشىلىكتى دە كۇشەيتەدى.
"سونىمەن بىرگە اقپاراتتىق قاۋىپسىزدىك دوكتريناسى ىسكە اسادى. دوكترينانىڭ نەگىزگى مىندەتى – وتاندىق مەديا كەڭىستىكتىڭ باسەكەگە قابىلەتىن ارتتىرۋ جانە ەلدىڭ اقپاراتتىق دەربەستىگىن قامتاماسىز ەتۋ"، - دەدى دارحان ءقىدىرالى.