جالاقىسى بويىنشا سۋبسيديالار مولشەرى ۇلعايتىلادى.
كەلەر جىلدان باستاپ «كۇمىس جاس» جوباسىنا قاتىسۋشىلاردىڭ كونتينگەنتى مەن قاتىسۋ كەزەڭى كەڭەيتىلەتىن بولادى، دەپ حابارلايدى Almaty-akshamy.kz.
«2023 جىلعى 1 قاڭتاردان باستاپ زەينەتكەرلىك جاسقا دەيىنگى ازاماتتاردى جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋعا باعىتتالعان «كۇمىس جاس» جوباسىنا قاتىسۋشىلاردىڭ كونتينگەنتى مەن قاتىسۋ كەزەڭى كەڭەيتىلەتىن بولادى. وعان 50 جاسقا تولعان قازاقستاندىقتار 3 جىلعا دەيىن قاتىسا الادى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
قولدانىستاعى قاعيدالارعا سايكەس، جوعارىدا كورسەتىلگەن جوبانى ىسكە اسىرۋ شەڭبەرىندە جۇمىس بەرۋشىلەر مەملەكەتتەن بەلگىلەنگەن جالاقى مولشەرىنىڭ 50%-ىنا سۋبسيديا (ءبىراق 30 ايلىق ەسەپتىك كورسەتكىشتەن (بۇدان ءارى – اەك) كوپ ەمەس) الا وتىرىپ، زەينەتكەرلىك جاسقا دەيىنگى (58 جاستان باستاپ) ادامداردى جۇمىسقا ورنالاستىرۋ ءۇشىن جۇمىس ورىندارىن قۇرادى. بۇل رەتتە جۇمىستىڭ ۇزاقتىعى 12 ايدان اسپايدى.
2023 جىلدان باستاپ «كۇمىس جاس» جوباسىنا قاتىسۋشىلار كونتينگەنتىنە 50 جاستان اسقان جۇمىسسىز ازاماتتار ەنگىزىلەدى، قاتىسۋ مەرزىمى 36 ايعا دەيىن، سونداي-اق قاتىسۋشىلاردىڭ جالاقىسى بويىنشا سۋبسيديالار مولشەرى ۇلعايتىلادى.
سۋبسيديالار مولشەرى: جۇمىستىڭ ءبىرىنشى جىلىندا جالاقى مولشەرىنىڭ 70%-ىن (ءبىراق 30 اەك-تەن اسپايتىن)، جۇمىستىڭ ەكىنشى جىلىندا جالاقى مولشەرىنىڭ 65%-ىن (ءبىراق 30 اەك-تەن اسپايتىن)، جۇمىستىڭ ءۇشىنشى جىلىندا جالاقى مولشەرىنىڭ 60%-ىن (ءبىراق 30 اەك-تەن اسپايتىن) قۇرايدى.
سونىمەن قاتار جوبا اياسىندا «جەكە كومەكشى» جانە «الەۋمەتتىك قىزمەتكەر» كاسىپتەرى بويىنشا جۇمىس ورنىن الۋ مۇمكىندىگى پايدا بولادى.
«كۇمىس جاس» جوباسىن ىسكە اسىرۋ شەڭبەرىندە جۇمىسپەن قامتۋعا جاردەمدەسۋ شارالارىمەن جىل سايىن كەمىندە 15 مىڭ ادامدى قامتۋ جوسپارلانۋدا.