ەلدەگى قايىرىمدىلىق ۇيىمدارىنىڭ سانى 20%-عا ارتقان.
The World Giving Index قايىرىمدىلىق يندەكسىنىڭ 2022 جىلعى دەرەكتەرىنە سايكەس، قايىرىمدىلىق رەيتينگىندە قازاقستان 119 ەلدىڭ اراسىندا 54-ورىننان 40-ورىنعا كوتەرىلدى، دەپ حابارلايدى Almaty-akshamy.kz Inbusiness.kz cىلتەمە جاساپ.
اتالعان كورسەتكىش زەرتتەلەتىن ەلدەردەگى قالا تۇرعىندارىنىڭ ساۋالنامالارى ناتيجەلەرىنە نەگىزدەلىپ، ادامداردىڭ اقشالاي تۇردە قايىرىمدىلىق جاساۋىن، قايىرىمدىلىق بىلدىرۋگە نيەت بىلدىرگەن حالىقتىڭ ۇلەسىن ەسكەرەدى.
قايىرىمدىلىققا ەل حالقىنان بولەك، كۆازيمەملەكەتتىك سەكتوردى قوسا العاندا ءىرى كومپانيالار دا قاتىسادى.
ق ر اقپارات جانە قوعامدىق دامۋ ۆيسە-مينيسترى دانيار قادىروۆتىڭ حابارلاۋىنشا، سوڭعى ەكى جىلدا ەلدەگى قايىرىمدىلىق ۇيىمدارىنىڭ سانى 20%-عا ارتىپ، 1 مىڭنان اسقان. ءىرى قايىرىمدىلىق قورلارىنىڭ الەۋمەتتىك جۇمىسىنىڭ اۋقىمى ۇلكەن. سوڭعى جىلدارى قايىرىمدىلىقتىڭ باسىم باعىتتارىنا جەتىمدەرگە (54،31%) جانە اۋىر سىرقاتتارى بار بالالارعا (48،8%) كومەك كورسەتۋ جاتادى.