الماتىدا 2023 جىلدان باستاپ 7،7 مىڭ وقۋشى ءۇشىن «مەكتەپ اۆتوبۋسى» جوباسى باستالادى
بۇل تۋرالى الماتى قالاسى اكىمىنىڭ ورىنباسارى اسەم ءنۇسىپوۆا وڭىرلىك كوممۋنيكاسيالار قىزمەتى الاڭىندا ايتتى، دەپ حابارلايدى اlmaty-akshamy.kz.
ونىڭ ايتۋىنشا، تۇرعىنداردى تولعاندىراتىن ماسەلەلەردىڭ ءبىرى – كولىكتەردىڭ كوپتىگى.
«وسىعان بايلانىستى جانە الماتىدا وقۋشىلاردى تاسىمالداۋدىڭ جايلىلىعى مەن قاۋىپسىزدىگىن ارتتىرۋ ماقساتىندا 2023 جىلدان باستاپ قالانىڭ سەگىز اۋدانىنداعى 29 مەكتەپتە 7،7 مىڭ بالاعا ارنالعان «مەكتەپ اۆتوبۋسى» جوباسى باستالادى»، - دەپ حابارلادى ول.
سونىمەن قاتار، بالالاردىڭ ءال-اۋقاتى مەن قاۋىپسىزدىگى ماڭىزدى باسىمدىق بولىپ تابىلادى. اتا-انالار بالالارىنىڭ ءقاۋىپسىز مەكتەپتەردە ەكەنىنە سەنىمدى بولۋى كەرەك.
«كەلەر جىلدان باستاپ مەكتەپتەردە كەشەندى قاۋىپسىزدىك جۇيەسى ەنگىزىلىپ، «پانيكا تۇيمەلەرى»، ءوتۋ جۇيەسى (تۋرنيكەتتەر)، ءورت قاۋىپسىزدىگى جۇيەسى، پوليسيانىڭ جەدەل باسقارۋ ورتالىقتارىمەن بىرىكتىرىلگەن بەينەباقىلاۋ كامەرالارى ورناتىلادى. ءبىز بۇل جوبانى ءۇش جىلدىق سەرۆيستىك ۇلگى بويىنشا قارجىلاندىرۋدى جوسپارلاپ وتىرمىز، جالپى قارجىلاندىرۋ كولەمى - 4،9 ملرد. تەڭگە. 2023 جىلعا ارنالعان بيۋدجەت جوباسىندا وسى ماقساتتارعا 1،6 ملرد. تەنگە ءبولىندى»، - دەپ تولىقتىردى ءا.ءنۇسىپوۆا.
زاماناۋي ينفراقۇرىلىمدى جاقسارتۋ ارقىلى 2025 جىلعا دەيىن بارلىق مەملەكەتتىك مەكتەپتەر فيزيكا، حيميا، بيولوگيا، ينفورماتيكا جانە روبوتوتەحنيكانىڭ جاڭا بۋىنىنىڭ پاندىك كابينەتتەرىمەن قامتاماسىز ەتىلەدى. تەك 2023 جىلدىڭ وزىندە جاڭا موديفيكاسياداعى 168 شكاف ساتىپ الىنادى، بۇل ماقساتقا جەرگىلىكتى قوردان 2،1 ملرد. تەڭگە ءبولىندى.