ونلاين راسىمدەۋ كەلەسى جىلعى شىلدەدەن باستاپ جۇزەگە اسادى.
قازاقستاندىقتار كولىكتىڭ مەملەكەتتىك تىركەۋ ءنومىرىن ەكىنشى تۇلعاعا ونلاين تۇردە بەرە الاتىن بولادى، دەپ حابارلايدى Almaty-akshamy.kz
بۇل تۋرالى سيفرلىق دامۋ ءمينيسترى باعدات مۋسين الەۋمەتتىك جەلىدەگى پاراقشاسىندا حابارلادى.
"بۇرىن كولىك ساتىپ العاندا، ءتىپتى ونلاين ترانزاكسيا جاساعاندا جاڭا يەسى جاڭا ءنومىر الۋ ءۇشىن مامانداندىرىلعان حقكو-عا كەلۋ كەرەك بولعان. ەندى مۇنداي قاجەتتىلىك جويىلدى. كولىك ءنومىرىن تۋىستارىنا بەرۋ مۇمكىندىگىن قاراستىردىق" - دەدى باعدات مۋسين.
تاعى ءبىر جاڭالىق، كولىك يەسى تۇرعىلىقتى جەرىن اۋىستىرسا كولىك ءنومىرىن دە اۋىستىرۋدىڭ قاجەتى جوق. سونداي-اق كولىك ءنومىرىن تىركەۋگە قاجەتتى قۇجاتتار سانى ازايتىلادى. ءمۋسيننىڭ ايتۋىنشا، ءدال وسى وڭتايلى جوسپارلار تولىق زەرتتەلىپ بارىپ، ىسكە قوسىلادى.