اباي وبلىسىنىڭ بەستەرەك اۋىلىندا تامىز ايىندا بولعان قايعىلى جول اپاتىنان كەيىن كومادا جاتقان 9 جاستاعى ايزەرە داۋلەت قايتىس بولدى، دەپ حابارلايدى اqshamnews.kz ءتىلشىسى. بۇل تۋرالى وبلىستىق دەنساۋلىق ساقتاۋ باسقارماسى مالىمدەدى.
ۆەدومستۆونىڭ حابارلاۋىنشا، قىز بالا شامامەن ءبىر ايعا جۋىق ۋاقىت ەس-تۇسسىز جاتقان.
"26 قىركۇيەك ساعات 15:30-دا ايزەرە داۋلەتكە بيولوگيالىق ءولىم دياگنوزى قويىلدى. قىزدىڭ جەرلەۋ ءراسىمى 29 قىركۇيەكتە ءوتتى. اتا-اناسىنىڭ ءوتىنىشى بويىنشا باسقا اقپارات جاريالانبايدى"، – دەلىنگەن باسقارما تاراتقان مالىمەتتە.
بەستەرەكتەگى جول اپاتى تۋرالى نە بەلگىلى؟
19 تامىزدا بەستەرەك اۋىلىندا Toyota كولىگىنىڭ 55 جاستاعى جۇرگىزۋشىسى ءۇيدىڭ قاقپاسى جانىندا، جولدان 10 مەتر قاشىقتىقتا تۇرعان بالالاردى قاعىپ كەتكەن. وقيعا ورنىندا ەكى بالا، تاعى ءبىرى اۋرۋحاناعا بارا جاتقان جولدا كوز جۇمعان. ءۇش بالا ءتۇرلى جاراقاتپەن اۋرۋحاناعا جەتكىزىلگەن.
قازا بولعان بالالاردىڭ جاسى 2-دەن 7 جاسقا دەيىن، جاراقات العاندار 6 مەن 9 جاس ارالىعىندا بولعان.
جول اپاتىنان كەيىن پرەزيدەنت قاسىم-جومارت توقايەۆ زارداپ شەككەن بالالارعا كومەك كورسەتۋ ءۇشىن دارىگەرلەر وتىرعان ارنايى ۇشاق جىبەرۋدى تاپسىرعان. ارنايى بورت ءۇرجار اۋدانىنا بارىپ، ەكى بالانى سانيتارلىق اۆياسيا ارقىلى استاناعا جەتكىزدى.
جاراقات العان 6 جاسار ۇل بالا اۋىر جاراقاتتان كەيىن رەانيماسيادان جالپى پالاتاعا اۋىستىرىلعان. ال 9 جاستاعى ايزەرە داۋلەت اباي وبلىسىنىڭ اۋرۋحاناسىندا اۋىر حالدە جانساقتاۋ بولىمىندە جاتقان ەدى.
اباي وبلىسىنىڭ اكىمى بەرىك ءۋالي قازا تاپقان بالالاردىڭ وتباسىنا بارلىق قاجەتتى كومەك كورسەتۋدى تاپسىردى.
پوليسيانىڭ مالىمەتىنشە، كولىك جۇرگىزۋشىسى ۇستالىپ، ۋاقىتشا ۇستاۋ يزولياتورىنا قامالعان. ساراپتاما ونىڭ وقيعا كەزىندە ماس بولماعانىن كورسەتتى. قىلمىستىق ءىس قوزعالدى.