بريتانيا بيلىگى ساياحاتتاۋشىلار ءۇشىن كوۆيد شەكتەۋلەرىن تۇگەل الىپ تاستادى
الەمنىڭ كوپتەگەن مەملەكەتىندە كوروناۆيرۋس شەكتەۋلەرى الىنىپ جاتىر، دەپ حابارلايدى اlmaty-akshamy.kz
ەلدەر اراسىنداعى شەكارالار اشىلىپ، بارىس-كەلىس جەڭىلدەدى. ساراپشىلار جاپپاي ۆاكسينالاۋ ارقىلى ءقاۋىپتى ىندەتتىڭ بەتىن قايتاردىق دەپ وتىر.
بريتانيا بيلىگى ساياحاتتاۋشىلار ءۇشىن كوۆيد شەكتەۋلەرىن تۇگەل الىپ تاستادى. ەندى ەكپە سەرتيفيكاتى دا، پتر تەستى دە قاجەت ەمەس. اۋەجايعا بەتپەردەسىز كىرە الاسىز. لوندونداعى ەڭ ءىرى اۋەجايلاردىڭ ءبىرى حيتروۋ، ءتىپتى عيمارات ىشىندە بەتپەردە كيىپ ءجۇرۋدى مىندەتتەمەيدى.
ۇكىمەتتەگىلەر مۇنداي جەتىستىكتى ۆاكسينالاۋ باعدارلاماسىنىڭ ءساتتى وتۋىمەن بايلانىستىرادى.
رەسمي ستاتيستيكا بويىنشا، 52 ميلليونعا جۋىق بريتاندىق ازامات ەكپەنىڭ ءبىرىنشى دوزاسىن، 49 ميلليونى ەكىنشى، ال 38 ميلليونى بۋستەرلى ۆاكسينانى الىپ ۇلگەرگەن.